आइतबार कास्कीका ४३० सहित गण्डकीका थप ६९९ मा कोरोना पुष्टि, २१४ कोरोनामुक्त

आइतबार कास्कीका ४३० सहित गण्डकीका थप ६९९ मा कोरोना पुष्टि, २१४ कोरोनामुक्त

Gandaki-Mapp

पोखरा – आइतबार कास्कीका ४३० सहित गण्डकीमा थप ६९९ जनामा कोरोना भाइरस पुष्टि भएको छ।

प्रदेश स्वास्थ्य निर्देशनालयको कोभिड सम्बन्धी दैनिक विज्ञप्ति अनुसार पछिल्लो २४ घण्टामा गण्डकीका १ हजार ६९७ जनाको नमुना परीक्षण गर्दा ६९९ जनामा संक्रमण पुष्टि भएको हो।

आज कास्कीमा ४३० जना, तनहुँमा ७७ जना, गोरखामा १०४ जना, लमजुङमा १५ जना र नवलपुरका एक जनामा कोरोना पुष्टि भएको छ।

यस्तै स्याङ्गजामा २६ जना, पर्वतमा २२ जना, बाग्लुङमा २१ जना, म्याग्दीमा २ जना र मुस्ताङ जिल्लाका एक जनाको परीक्षण रिपोर्ट कोरोना पोजेटिभ आएको निर्देशनालयद्वारा जारी विज्ञप्तिमा उल्लेख गरिएको छ।

आज गण्डकीमा पुष्टि भएकासंगै कोरोना संक्रमितको कूल संख्या  २३ हजार २२९ पुगेको छ । जहाँ ५ हजार २०१ सक्रिय संक्रमित छन्।

पछिल्लो २४ घण्टामा गण्डकीबाट २१४ जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या १७ हजार ७६५ पुगेको छ ।

आइतबार गण्डकीमा कोरोना संक्रमणका कारण अहिलेसम्मकै उच्च संख्यामा मृत्यु पुष्टि भएको छ । जारी विज्ञप्ति अनुसार पोखराका विभिन्न अस्पतालमा उपचारत १२ जना संक्रमितको आइतबार मृत्यु पुष्टि भएको हो ।

मृतकहरु कास्कीका छ जना, पर्वतका दुई जना, म्याग्दीका एक जना र स्याङ्गजाका दुई जना गरी १० जना छन् भने, एक जना रुपन्देही जिल्ला घर भइ हाल पोखरास्थित गण्डकी मेडिकल कलेजमा उपचाररत ६० वर्षीय पुरुष रहेका छन् ।

आज मृत्यु पुष्टि भएका १२ संगै गण्डकीमा कोरोना संक्रमणका कारण ज्यान गुमाउनेको संख्या २६३ पुगेको निर्देशनालयले जनाएको छ।

प्रतिक्रिया

लेखकको बारेमा

गण्डक न्यूज

गण्डक न्यूज

गण्डक न्यूज डेस्क

ट्रेन्डिङ