पोखरा – प्रधानमन्त्री रोजगार कार्यक्रम अन्तर्गत चालु आवमा गण्डकी प्रदेशबाट ५९ हजार २४१ जना बेरोजगार यूवा सूचिकृत भएकोमा ६ हजार २ सय ५३ जनाले मात्र औसत १८ दिनको रोजगारी पाएको देखिएको छ ।
चालु आवको हालसम्मको विवरण हेर्दा गण्डकी प्रदेशमा उक्त रोजगारी पाएका श्रमिकले कुल १ लाख १५ हजार दिन काम गरेको देखिन्छ ।
चालु आवमा गण्डकीबाट १ हजार १२ वटा आयोजनाहरु समावेश थिए । मन्त्रालयले प्रदान गरेको बजेटबाट श्रमिकलाई ३ करोड ९५ लाख रुपैयाँ ज्याला रकम वितरण गरेको देखिएको छ ।
बेरोजगार युवालाई रोजगारी दिने उद्देश्यका साथ शुरु गरेको प्रधानमन्त्री रोजगार कार्यक्रमका लागि चालु आर्थिक वर्षमा ११ अर्ब ६० करोड बजेट विनियोजन गरिएको थियो। उक्त बजेटबाट सरकारले २ लाख बेरोजगार युवालाई १०० दिनको रोजगारी प्रदान गर्ने लक्ष्य लिएको थियो ।
मन्त्रालयले आगामी वर्ष २०७८/७९ को बजेटको गृहकार्य गरिरहँदा चालु आवको कार्यक्रमबारे समीक्षा गर्दा लक्ष्यअनुसार काम गर्न नसकेको निष्कर्ष निकालेको छ ।
यद्यपी, कोरोना भाइरसका कारण उत्पन्न परिस्थितीले सरकारले बजेट विनियोजन गरिसकेको अवस्थामा पनि लक्ष अनुसार काम गर्न नसकिएको मन्त्रालयको निष्कर्ष छ ।
सम्बन्धित खबर
गण्डकी प्रदेशसभाको बैठक अनिश्चितकालका लागि स्थगन
गण्डकीका बिनाविभागीय मन्त्रीले पाए जिम्मेवारी: चुमानले अर्थ र मनाङेले भौतिक मन्त्रालय
गायिका एवं उद्यमी शान्तिले गरिन् बुटिकको शाखा विस्तार
स्याङ्जा भिरकोटका दुईजना अवैध लागूऔषधसहित पक्राउ
पोखराको लेकसाइडबाट अवैध लागु औषध र नगदसहित ४ जना पक्राउ
बागलुङमा रुखबाट खसेर एक जनाको मृत्यु
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग