Gandak News
Our News Your Views
Promote your business here Gandaknews

बेड अभाव भएपछि कोरोना संक्रमितलाई भूईंमै राखेर उपचार

बेड अभाव भएपछि शुक्रराज ट्रपिकल तथा सरुवा रोग अस्पतालमा कोरोना संक्रमित बिरामीले भूईंमै बसेर उपचार गराइरहेका छन्।

कोरोना संक्रमणको दर दिनप्रतिदिन बढेसँगै गम्भीर बिरामीको संख्या पनि थपिँदै जाँदा मुलुकभर बेड र अक्सिजनको अभाव देखिएको हो।

राजधानी काठमाडौंको टेकुस्थित सरुवा रोग अस्पतालमा पनि बेड अभाव भएपछि आकस्मिक कक्ष बाहिर भूईँमा नै राखेर विरामीको उपचार गराइएको हो।

प्रधानमन्त्री केपी शर्मा ओलीले बेड अभाव नभएको भनेर रटान लगाईरहेपनि शुक्रराज ट्रपिकल तथा सरुवा रोग अस्पतालमै यस्तो दृश्य देखिएको छ।

वेड अभाव भएपनि चिकित्सकहरुले आकस्मिक कक्ष बाहिर भूईँमै राखेर विरामीको स्वास्थ्य जाँच गरिरहेका छन्। आकस्मिक कक्ष बाहिर छरिएर बसेका विरामीहरु सबैले अक्सिजन लिइरहेका छन्।

कतिपय विरामी त छत विनाको खुल्ला स्थानमा बस्न बाध्य भएका छन्। दिउँसोको घाम र रातको सित खेपेरै भएपनि उनीहरु कोरोनाको उपचार गराउन बाध्य भएका छन्।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

पढ्न सिफारिस