संघ सरकार मातहत रहेको पोखरा स्वास्थ्य विज्ञान प्रतिष्ठान अन्तर्गतको पश्चिमाञ्चल क्षेत्रिय अस्पताललाई गण्डकी प्रदेश सरकारले कोभिड अस्पताल बनाउन सिफारिस गरेको छ ।

प्रदेश सरकारको आज बसेको पहिलो मन्त्रीपरिषद् बैठकले अस्पताललाई कोभिड अस्पताल बनाउन सिफारिस गरेको मन्त्री रामशरण बस्नेतले बताए । मन्त्री बस्नेतले भने – ‘कोरोना भाइरस नियन्त्रण तथा रोकथाम अस्पताल बनाउन संघलाई सिफारिस गरिएको छ।’

चार सय बेडको अस्पताल प्रदेशकै ठूलो अस्पताल हो । अहिले अस्पतालमा ५० बेडमा मात्रै कोभिडका बिरामी राखेर उपचार भइरहेको छ । यो बैठकले सरकारको प्रवक्तामा मन्त्री बस्नेतलाई नै चयन गरेको छ ।

विनाविभागीय मन्त्रीलाई भोलि जिम्मेवारी

आज नियुक्त भएका ५ जना मध्ये ३ जना मन्त्रीले कुनै मन्त्रालयकाे जिम्मेवारी पाएनन् । तीन मन्त्री रामशरण बस्नेत, विकास लम्साल र नरदेवी पुनले मन्त्रालयकाे जिम्मेवारी पाएका छैनन् । किरण गुरुङले अर्थ र राजीव गुरुङले युवा तथा खेलकुद मन्त्रीकाे जिम्मेवारी पाएका छन् ।

पहिलो बैठकमा यसबारे कुरा नभएको र भोलि नै जिम्मेवारी पाउनेमा प्रवक्ता बस्नेत ढुक्क देखिए । मन्त्रालयकाे जिम्मेवारी पाएका किरण गुरुङले आजै कार्यभार सम्हालेका छन् भने युवा तथा खेलकुद मन्त्री राजीव गुरुङ काठमाण्डाैंमा भएकाले सपथ खान पाएका छैनन् ।

राजनीतिक सल्लाहकार नेपाली हटाएर अधिकारी 

मुख्यमन्त्री गुरुङले राजनीतिक सल्लाहकार फेरेका छन् । उनले लमजुङ सुन्दरबजारका डा. भीष्म अधिकारीलाई नियुक्त गरेका छन् । सल्लाहकार अधिकारी संविधान सभा सदस्य हुन् ।  अधिकारीको नियुक्ति सँगै यसअघिका सल्लाहकार गोविन्दबहादुर नेपाली पदमुक्त भएका छन् । नेपाली नेकपा एमाले गण्डकी प्रदेश कमिटीका सचिव छन् ।

याेजना आयाेजका उपाध्यक्षमा डा. गिरधारी शर्मा पाैडेललाई नियुक्त गरेकेा छ । त्यस्तै, आयाेगका सदस्यमा विष्णु बराल नियुक्त भएका छन् ।

गण्डकीमा मन्त्रिपरिषद्‍ विस्तार: ४ मन्त्रीले लिए सपथ, मनाङे अनुपस्थित

गण्‍डकीमा मन्त्रीहरूको शपथमा सभामुख र विपक्षी दलका नेता गएनन्