बिहीबार गण्डकीमा थप ३२१ जनामा कोरोना पुष्टि भएको छ ।

प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार पछिल्लो २४ घण्टामा गण्डकीका १ हजार ३०४ जनामा गरिएको नमुना परीक्षणमा थप उक्त संख्याका मानिसको रिपोर्ट कोरोना पोजेटिभ आएको हो ।

आज संक्रमण पुष्टि हुनेमा प्रदेशका १० जिल्लाका छन् । जसअन्तर्गत कास्कीका ११८ जना, तनहुँका ३५ जना, लमजुङका २६ जना, नवलपुरका २६ जना र स्याङ्गजाका १० जनामा कोरोना पुष्टि भएको छ ।

यस्तै, पर्वतका चार जना, बागलुङका ३० जना, म्याग्दीका तीन जनार मुस्ताङ जिल्लाका ४३ जनाको परीक्षण रिपोर्ट कोरोना पोजेटिभ आएको जारी विज्ञप्तिमा जनाइएको छ ।

आज थपिएकासंगै गण्डकीमा कोरोना संक्रमितको कूल संख्या ५३ हजार ७०८ पुगेको छ ।

पछिल्लो २४ घण्टामा गण्डकीबाट ५४० जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या ४९ हजार ९११ पुगेको छ।

बिहीबार पनि गण्डकीमा थप नौ जनाको मृत्यु पुष्टि भएको छ । आज मृत्यु पुष्टि हुनेमा कास्कीका चार जना, नवलपुरका एक जना, स्याङ्गजाका दुई जना र तनहुँका एक जना छन् ।

आज मृत्यु पुष्टि भएकासंगै गण्डकीमा कोरोना संक्रमणका कारण ज्यान गुमाउनेको संख्या ९१४ पुगेको निर्देशनालयले जनाएको छ।