म्याग्दी जिल्लाको मालिका गाउँपालिका–६ रातोढुङ्गाका गजिन रोका र बिना रोका गत जेठ महिनामा मात्रै विवाह बन्धनमा बाँधिएका थिए । महिना दिन पुग्दा नपुग्दै दुवै जना एकसाथ बिदा भए ।
जिल्लाकै मङ्गला गाउँपालिका–५ छिस्वाङमा उनीहरु पसल गरी बसेका थिए । झोलुङ्गे पुल नजिकै भएकाले व्यवसाय राम्रै चलेको थियो । मंगलबार रातिको अविरल बर्षाले नजिकैको खहरे खोला उर्लियो । र, सोहि बाढीमा परेर रोका दम्पतीले ज्यान गुमाए ।
खहरेखोलामा आएको बाढीले म्याग्दी खोलाको धार परिवर्तन गराएर कटान गर्दा खगेन्द्र रोकाको घर बगाएको हो । घरभित्र सुतिरहेका मालिका–६ का खगेन्द्रका छोरा गजिन र बुहारी बिनालाई बाढीले बगाएको मालिका–६ का वडाध्यक्ष सन्तोष सुवेदीले जानकारी दिए।
इलाका प्रहरी कार्यालय दरबाङबाट खटिएका प्रहरी, जनप्रतिनिधि र स्थानीयबासीहरु बेपत्ताको खोजीका साथै जोखिममा रहेका घरको व्यवस्थापनमा परिचालन भएका थिए । गजिनको शव पहिल्यै भेटियो भने विनाको पछि भेटियो । उनीहरुको हातमा चप्पल समेत समातेको देखिएकाले भाग्ने प्रयास गर्दा गर्दै बाढीमा हेलिएको अनुमान गरिएको छ ।
खहरेखोलाको बाढी पसेर मङ्गला गाउँपालिकातर्फ पनि एउटा घरमा क्षति पुगेको छ । रातोढुङ्गाको बस्ती, निर्माणाधीन ३२/११ केभी क्षमताको सबस्टेशन र सयौँ रोपनी खेतीयोग्य जमीन जोखिममा परेको छ । इलाका प्रहरी कार्यालय दरबाङका प्रहरी निरीक्षक सन्तोष पौडेलले घटनास्थल पुगेर क्षतिको विवरण सङ्कलन, बेपत्ताको खोजी र जोखिममा परेका घरधुरी व्यवस्थापनमा जुटेको बताए ।
सम्बन्धित खबर
सिनेमा संवादका लागि सेलिब्रिटी ल्वाङमा
चापाकोटमा आजदेखि क्रिकेट लिग, उद्घाटन खेलमा ह्वाइट हर्ष र साँखर वरियर आमनेसामने
बजेट अभावले स्याङ्जाका विकास योजना रोकिँदै
स्याङ्जाको कफी बीउ जापान हुँदै अन्तरिक्ष पुगेर फर्कियो
कालीगण्डकी ‘ए’ जलविद्युत केन्द्रमा मर्मत, तीन दिन विद्युत उत्पादन बन्द
गण्डकी प्रदेशका प्रमुख सचिव घिमिरेविरुद्ध पोखरा विमानस्थल भ्रष्टाचार मुद्दा
यो पनि पढौँ
कास्कीको रुपामा बुबाको हत्या गरेको आरोपमा छोरा पक्राउ
पाेखरामा सुकुम्बासीको आन्दोलन घोषणा
पोखरा विमानस्थल भ्रष्टाचार प्रकरणमा पूर्वमन्त्री कार्कीसहित १४ जनाविरुद्ध मुद्दा दायर
सुदनको आरोप- ‘बालेनमा हिटलर र मुसोलिनी बन्ने सपना जागेको देखिन्छ’