पोखरा । बुधबार गण्डकीमा २९५ जनामा कोरोना पुष्टि भएको छ ।

प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार पछिल्लो २४ घण्टामा गण्डकीका १ हजार छ जनामा गरिएको नमुना परीक्षणमा थप उक्त संख्याका मानिसको रिपोर्ट कोरोना पोजेटिभ आएको हो।

आज संक्रमण पुष्टि हुनेमा प्रदेशका ११ जिल्लाका छन् । जसअन्तर्गत कास्कीका १५३ जना, तनहुँका २० जना, गोरखाका आठ जना, लमजुङका तीन जना, नवलपुरका ५१ जना र स्याङ्गजाका १७ जनामा कोरोना पुष्टि भएको छ ।

यस्तै, पर्वतका नौ जना, बागलुङका ११ जना, म्याग्दीका २० जना, मुस्ताङका एक जना र मनाङ जिल्लाका दुई जनाको परीक्षण रिपोर्ट कोरोना पोजेटिभ आएको जारी विज्ञप्तिमा जनाइएको छ ।

आज थपिएकासंगै गण्डकीमा कोरोना संक्रमितको कूल संख्या ५८ हजार ७९ पुगेको छ ।

पछिल्लो २४ घण्टामा गण्डकीबाट २१३ जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या ५३ हजार ८५२ पुगेको छ।

बुधबार गण्डकीमा थप दुई जनाको मृत्यु पुष्टि भएको छ । आज मृत्यु पुष्टी हुनेमा नवलपुरका एक जना र बागलुङका एक जना छन् ।

आज मृत्यु पुष्टि भएकासंगै गण्डकीमा कोरोना संक्रमणका कारण ज्यान गुमाउनेको संख्या ९७६ पुगेको निर्देशनालयले जनाएको छ ।