कोरोना परीक्षण नगरी अब गण्डकी प्रदेश प्रवेश गर्न नपाइने भएको छ । प्रदेश प्रवेश गर्ने सबै नाकामा एन्टिजेन परीक्षणको व्यवस्था गरिने प्रदेश सरकारले जनाएको छ ।
मुख्यमन्त्री कृष्णचन्द्र नेपाली पोखरेलले सोमबार आयोजित पत्रकार सम्मेलनमा कोरोना पोजिटिभ भए बस्नलाई छुट्टै व्यवस्था गरिने बताए । विज्ञहरूले कोरोना भाइरसको तेस्रो लहरको चेतावनी दिइरहँदा प्रदेश सरकारले चाडपर्वमा प्रदेश प्रवेशमा कडाइ गर्ने भएको हो ।
प्रदेश प्रवेश गर्ने तनहुँको मुग्लिङ, नवलपुरको त्रिवेणी, स्याङ्जाको राम्दीमा स्वास्थ्य परीक्षण बिट नै राखिने भएको हो । ‘नाकाहरूमा बिट राखेर कोरोना परीक्षण गर्छौं । कसैलाई संक्रमण देखिए छुट्टै राख्ने व्यवस्था गर्छौं,’ मुख्यमन्त्री पोखरेलले भने ।
तेस्रो लहरमा बालबालिका बढी प्रभावित हुने देखिएकाले त्यहीअनुसार बेड छुट्याएर उपचार गरिने मुख्यमन्त्री पोखरेलले बताए । गण्डकी प्रदेशमा अहिले दैनिक डेढ सयदेखि साढे दुई सय जनासम्म संक्रमित भेटिएका छन् ।
प्रदेश स्वास्थ्य निर्देशनालयका अनुसार सोमबारसम्म गण्डकी प्रदेशमा ८४ हजार ४७६ जनामा कोरोना पुष्टि भएको छ । तीमध्ये ८१ हजार ४९१ जना कोरोनामुक्त भएका छन् भने १३ सय ४६ जनाको मृत्यु भएको छ ।
सम्बन्धित खबर
पोखरा स्वास्थ्य केन्द्र भवनबाट सरकारी कागजात चोर्नेहरू पक्राउ
नेपाल पर्यटन बोर्ड पोखरा स्पोर्टस् अवार्डको प्रवर्द्धक
डाइनामिक युथ लिडर दर्शन लोकप्रिय मतका साथ सचिवमा निर्वाचित
एमाले कास्की अध्यक्षमा बैनबहादुर अधिकारी क्षत्री निर्वाचित, अधिकारीको प्यानल नै विजयी
२० घण्टामा मतदान सकियाे, २ घण्टा भित्रै मतपरिणाम घोषणा हुने
मतदातालाई सास्ती: १६ घण्टामा ६ सय मतदान, ३ सयले भोट हाल्नै बाँकी
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग