पोखरा । बिहीबार दिनभर पोखरा महानगरपालिका, केआईसिंहपुलका किशोर कृष्ण जिसी अपहरणमा परेको खबर फैलियो । जिसी बिहान नौ बजेदेखि घरपरिवारसँग सम्पर्कविहीन थिए । त्यसपछि आफन्त उनको खोजीमा लागे।
केआईसिंहपुलमा फ्रेस हाउस संचालन गर्दै आएका हरि जिसी छोराको खोजीलाई तीव्रता दिइरहेका थिए। कोहि सेती नदीको किनारमा खोज्न थाले त, कोहि घर नजिकैका झाडीमा लुकेका पो छन् कि ? भनेर झाडीमा चाहार्न थाले। तर उनी कहीं कतै भेटिएनन्। त्यसपछि बाध्य भएर उनीहरुले प्रहरीलाई बालक अपहरण गरेको भनेर खबर पनि गरे।
बालक अपहरणको खबर पाएको प्रहरीले शंकास्पद दुई जनालाई पोखराको लेखनाथ क्षेत्रबाट पक्राउ पनि गर्यो। पक्राउ परेका उनीहरुले घटनामा संलग्नताका बारेमा पूर्णत: अस्वीकार गरे।
तर अपहरण भएको भनेर हल्ला चलाइएका कृष्ण बेलुका छ बजेतिर केआईसिंहपुल चौतारामा लुखुर लुखुर हिँडेर घरतिर आउँदै गरेको देखिए। सबै आँत्तिदै उनीसम्म पुगे। प्रहरीलाई बालक घर फर्किएको खबर पनि पुग्यो।
प्रहरीले अपहरणमा परेको भनिएको बालक र उनका परिवारका सबै सदस्यलाई प्रहरी कार्यालयमा लग्यो र उनीहरुको मोबाइल समेत खोलेर हेर्यो। अनि, घटनाको यथार्थ विवरण पनि सोध्यो। उनीहरुको जवाफ सुनेपछि भने प्रहरी अचम्ममा परे ।
अपहरित भनिएका किशोरले ११ कक्षामा बिज्ञान विषय लिएर पढ्न गाह्रो भएपछि असन्तुष्टिका रुपमा उनले घरमा केही खबर नगरी घरबाट निस्किएको रहस्य खुल्यो । उनले दिनभर कसैको फोन पनि उठाएनन्। जब साँझ उनी घर फर्किए, प्रहरीले कार्यालयमा लगी सोधपुछ गर्दा उनले आफू अपहरणमा नपरेको मात्र बताएनन्, फोन नउठाउनुको कारण समेत खुलाए। प्रहरी स्रोत भन्छः ‘उनलाई साइन्स पढ्न मन रहेनछ । परिवारको दबाबले साइन्समा भर्ना भएपछि रिस देखाउन घर छाडेको रहेछ । बेलुका त फर्किहाल्यो ।’
सम्बन्धित खबर
पोखरामा पेस्तोल सहित एक व्यक्ति पक्राउ
गण्डकीमा डायलाइसिस सेवाको प्रतिक्षामा रहेकाको संख्या शुन्यमा झार्ने लक्ष्य पुरा
मगर विद्यार्थी संघ पिएन क्याम्पसको अध्यक्षमा अनोक पुलामी
भूकम्पको स्मरणः बारपाकमा आज सार्वजनिक बिदा
पर्यटकीय राजधानीलाई सफल बनाउन तीन तहकै सरकारको भूमिका महत्वपूर्ण : मुख्यमन्त्री अधिकारी
पोखराको चाउथेमा दुर्घटना: १९ वर्षीया खुसीको मृत्यु, स्कुटर चालक विनिता घाइते
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग