पोखरा। शनिबार पोखराका केही क्षेत्रमा विद्युत अवरुद्ध हुने भएको छ । बुस कटिङ (रुखका हाँगा तथा बास काट्न) का लागि विद्युत अवरुद्ध हुने भएको हो । पछिल्लाे समय पाेखरा क्षेत्रमा विद्युत मर्मत कार्य भइरहेकाे छ ।

पोखराको सहिदचोक र एयरपोर्ट फिडर अन्तर्गतका क्षेत्रमा विद्युत अवरुद्ध हुनेछ । नेपाल विद्युत प्राधिकरण, पोखरा वितरण केन्द्रले आज सूचना जारी गर्दै एयरपोर्ट फिडर अन्तर्गतका क्षेत्रमा बिहान १०ः३० देखि दिउँसो ४ बजेसम्म विद्युत अवरुद्ध हुने जनाएको छ ।

‘पृथ्वीचोक, सिर्जनाचोक, नागढुंगा, जनप्रिय क्याम्पस, रत्नचोक, सहिदचोक, राष्ट्रबैंक चोक, ड्यामसाइड, बिरौटा, आँखा हस्पिटल, संग्रिल्ला होटल, घारीकुलो, हेल्थपोस्ट वरिपरि लगायतका क्षेत्रमा मिति २०७८/०६/१६ गते बिहान १०:३० बजे देखि दिउँसो  ४:०० बजे सम्म लाईन अबरुद्ध हुने ब्यहोरा जानकारी गराउदछौ ।’ सूचनामा उल्लेख छ ।