कास्की प्रहरीले पोखराका विभिन्न स्थानबाट अवैध लागु औषधसहित छ जनालाई पक्राउ गरेको छ।
जिल्ला प्रहरी कार्यालय कास्कीबाट खटिएको प्रहरीको टोलीले पोखरा महानगरपालिका-५ मालेपाटनबाट तीन जना, पोखरा -८ सृजनाचोकबाट दुई जना र पोखरा-९ पृथ्बीचोकबाट एकजना गरी छ जनालाई पक्राउ गरेको कास्कीका प्रहरी नायव उपरीक्षक तथा प्रहरी प्रवक्ता सुन्दर तिवारीले जानकारी दिए।
तिवारीका अनुसार पक्राउ पर्नेमा गोरखा जिल्ला पालुङ्टार नगरपालिका -८ धुँवाकोट स्थायी घर भएका रोशन काराखेती, आरुघाट गाउँपालिका -५ घर भएका वुद्ध कार्की र खोटाङ जिल्ला जन्तेढुंगा गाउँपालिका -५ स्थायी घर भएका मिलन राई छन्।
प्रहरीले उनीहरुको साथबाट डाईजापाम -९ एम्पुल, फेनेरागन-९ एम्पुल फेनेरागन र नुर्फिन -९ एम्पुल गरी जम्मा २७ एम्पुल लागु औषध वरामद गरेको छ।
यस्तै, सृजनाचोक बस्ने विश्व गिरी र पोखरा -१४ छिनेडाँडा बस्ने सुनिल परियारको साथबाट डाईजापाम -३१ एम्पुल, नुर्फिन -३१ एम्पुल र फेनेरागन ३१ एम्पुल वरामद गरेको छ। भने, माछापुछ्रे गाउँपालिका वडा नं -४ लाहाचोक घर भइ पोखराको पृथ्बीचोक बस्दै आएका सुवास रानामगरको साथबाट डाईजापाम- १५ एम्पुल, नुर्फिन- १५ एम्पुल र फेनारगन- १५ एम्पुल वरामद गरेको प्रहरीले जनाएको छ।
पक्राउ परेका उनीहरुविरुद्ध लागु औषध सम्बन्धी कसुर अन्तर्गत अनुसन्धान प्रक्रिया अगाडि बढाइएको प्रवक्ता तिवारीले बताए।
सम्बन्धित खबर
बुबाको हत्या आरोपमा छोरालाई कारागार
इनिसाको पोस्टमार्टम रिपोर्ट: बलपूर्वक यौनसम्पर्कले मृत्यु, यस्तो छ प्रेमी भनिएका किशोरको बयान
सुत्ने कोठामा ७१ वर्षीय वृद्ध मृत फेला, एक जना पक्राउ
स्याङ्जामा अर्याल दम्पतीमाथि राति कुटपिट, पाँच युवक पक्राउ
कान चुँडाएर सुन लुट्ने गिरोह पक्राउ, मुख्य नाइके जेन-जी आन्दोलनमा हिरासतबाट भागेका तामाङ
स्याङ्जाको बैंकमा सुरक्षा गार्डमाथि चक्कु प्रहार, एक युवक पक्राउ
यो पनि पढौँ
मनकामना दर्शन गरी फर्केको ईभी माइक्रो गोरखामा दुर्घटना, ७ जनाको मृत्यु
रास्वपाका नवनिर्वाचित दुई सांसदविरुद्ध सर्वोच्चमा रिट
राजस्व अनुसन्धान विभागका तत्कालीन महानिर्देशक झलकराम अधिकारीसहित तीन जनाविरुद्ध आरोपपत्र दायर
आगामी तीन दिन भारी वर्षा र हुरीको सम्भावना, सचेत रहन आग्रह