सोमबार, २४ मंसिर २०८१
सोमबार, २४ मंसिर २०८१
‘लाउरे’ नामले युवामाझ चर्चित र्यापर आशिष राना पोखराबाट पक्राउ परेका छन् । जिल्ला प्रहरी कार्यालय कास्कीका अनुसार उनीमाथि लागुऔषध कारोबार गरेको आरोप लागेको छ ।
कार्यालयका प्रवक्ता डिएसपी सुन्दर तिवारीले लाउरे पक्राउ परेको पुष्टि गरे । डिएसपी तिवारीले गण्डकन्यूजसँग भने – ‘हिजो पक्राउ परेका हुन् । पोखराबाटै हो । लागुऔषध सम्बन्धमा मुछिएपछि अनुसन्धानका लागि पक्राउ गरेका छौं ।’
प्रहरीले यसबारे थप खुलाउन चाहेन । ‘अहिले अनुसन्धान हुँदैछ । अहिलेलाई यति भनेँ ।’- डिएसपी तिवारीले भने ।
कास्की प्रहरी प्रमुख एसपी रमेश थापाले रानासहित ४ जना पक्राउ परेको जानकारी दिए । अहिले अनुसन्धानकै क्रममा रहेको भन्दै उनले अनुसन्धान पूरा भएपछि सार्वजनिक गरिने बताए ।
श्रोतका अनुसार उनीमाथि ब्राउन सुगर कारोबार गरेको आरोप लागेको छ । यसको मूख्य कारोबारी पनि पक्राउ परेका छन् । न्यूरोडबाट नजिकै जाल्पारोड स्थित एक घरको कोठाबाट राना, युवतीसहित गरी ४ जनालाई प्रहरीले नियन्त्रणमा लिएको हो ।
युवामाझ चर्चा कमाएका लाउरे अहिले रियालिटी शो हिमालय रोडिजका निर्णायकका रुपमा ब्यस्त पनि थिए ।
‘ताण्डव’ फिल्मका नायक समेत उनले र्यापसहित केही फिल्ममा ओएसटी पनि गाएका छन् । स्व. र्यापर यमबुद्धका मिल्ने साथी लाउरे र्याप ब्याटलबाट उदाएका र्यापर हुन् ।
पोखराकाे नयाँबजार घर भएका लाउरे यसअघि विवादमा आएका थिएनन् । भिटेन, साकार जस्ता समकालीनहरू विवादमा छाइरहँदा उनी विवादबाट बाहिरै थिए । नेपहपको बाटो, हाउडे, मेरो सोल्टा, तीतो सत्य, चुप लाग, सुपर रागा, दुई रुपैयाँ जस्ता गीतहरू उनका चर्चित छन् ।
This will close in 4 seconds
सम्बन्धित खबर
दुई छोरासहित आमा झुन्डिएको अवस्थामा मृत फेला
एक करोड भन्दा धेरैको सुन, चाँदी र नगदसहित ३ जना पक्राउ
घाँटी छिनाएर एक महिलाको विभत्स हत्या
सरकारी नम्बर प्लेटका दुईवटा जिपबाट ६ सय किलो गाँजा बरामद
दुई युवकमाथि आक्रमण गर्ने लमजुङका सुमित र सुशनसहित ४ पक्राउ
पोखरामा मोटरसाइकल चोरी गरी पाटपुर्जा झिकेर बिक्री गर्ने युवक पक्राउ
यो पनि पढौँ
पोखराले निकाल्यो एनपिएलकै ठूलो जित, लुम्बिनी लायन्स १० विकेटले पराजित
प्रतिभामा किताबरहित शुक्रवार
सूर्यदर्शन सहकारीको रकम अपचलनमा आरोपित पोखराका गुरुङ पक्राउ
सुनचाँदीको मूल्य घट्यो