काठमाडौं । बिशालनगर -४ स्थित सुरज ईलोक्ट्रिनिक्स मोबाइल पसल पछाडीको झ्याल फुटाई चोरी गरेको अभियोगमा २ जनालाई प्रहरीले पक्राउ गरेको छ । पक्राउ पर्नेहरूमा गोरखा जिल्ला गण्डकी नगरपालिका -५ घर भइ हाल काठमाडौं बुढानिलकण्ठ बस्दै आएका २४ वर्षीय शुरेस गिरी र बाँके जिल्ला नेपालगञ्ज उपमहानगरपालिका-५ घर भइ काठमाण्डौ बुढानिलकण्ठ बस्दै आएका २२ वर्षीय गणेश क्षेत्री रहेका छन् ।
उनीहरुले पसलको झ्याल फुटाई गत माघ १८ गते राति पसलमा रहेका बिभिन्न कम्पनीका ३७ थान सिलप्याक मोबाइल, १५ थान मर्मतका लागि राखिएका मोबाइल, १ थान गितार र २५ थान स्मार्ट घडी गरी करिब १६ लाख १२ हजार ५ सय रुपैयाँ बराबरको धनमाल चोरी गरेका थिए।
घटनाको जानकारी पश्चात महानगरीय अपराध महाशाखा मिनभवनबाट खटिएको प्रहरीको टोलीले गरेको अनुसन्धानबाट उनीहरूलाई काठमाडौं चोरीका सामान सहित पक्राउ गरेको हो ।
प्रहरीले उनीहरूको साथबाट ८ थान सिलप्याक मोबाइल, ५ थान पुराना मोबाइल, ६ थान स्मार्ट घडी, १ थान गितार, १ थान पावर बैंक र १ थान आईआर नाईट भिजन समेत बरामद गरेको छ ।
पक्राउ परेका उनीहरुमाथि आवश्यक कानुनी कारबाहीको लागि महानगरीय प्रहरी वृत्त महाराजगन्ज पठाइएको महाशाखाले जनाएको छ ।
सम्बन्धित खबर
पोखराको लेकसाइडबाट अवैध लागु औषध र नगदसहित ४ जना पक्राउ
पोखरामा चेकजाँच गर्दा प्रहरीमाथि मुक्का लात्ती हान्ने स्कुटर चालक कारबाहीमा
एन्फा उपाध्यक्ष दावा लामा पक्राउ
गहुँ खेतमा महिलाको शव भेटियो
पोखराको गण्डकी बोर्डिङका प्रधानाध्यापकसहित ८ जनाविरुद्ध वन मुद्दा दायर
दिदीबहिनी झुन्डिएको अवस्थामा मृत फेला
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग