म्याग्दीकाे बेनी नगरपालिका–६ डम्बरामा पार्किङ गरी राखिएका दुई वटा गाडीमा आगजनी भएको छ ।
बेनी–दरवाङ सडक खण्डको डम्बरामा सडक छेउमा पार्किङ गरी राखेका ध १ ज ९८६ नम्बरको भ्यान र ध १ ज ७२६ नम्बरको ट्याक्सीमा बिहीबार बिहान अन्दाजी ४ बजे अज्ञात समूहले आगो लगाएको प्रहरीले जनाएको छ । यी दुवै गाडी बुधबार साँझ ७ बजे सोही स्थानमा ठोक्किएर दुर्घटनाग्रस्त भएका थिए ।
जिल्ला प्रहरी कार्यालयका अनुसार बुधबार साँझ ७ बजे सडक छेउमा पाकिङमा रहेको ट्याक्सीलाई बेनीदेखि तातोपानीतर्फ जाँदै गरेको भ्यानले पछाडिबाट ठक्कर दिँदै अगाडि नालीमा खसेको थियो ।
दुर्घटनाग्रस्त गाडीलाई स्थानीयले नालीबाट झिकेर सडक किनारामा राखिदिएका थिए भने प्रहरीले चालकको मदिरा सेवन गरे/नगरेको परीक्षणगरी मानवीय क्षति नभएका कारण दुवै गाडीका धनीलाई मिलापत्र गराइ पठाएको थियो । चालक समेत रहेका दुवै गाडी धनी डम्बराकै स्थानीय हुन् । तर, बिहीबार बिहान ४ बजे अज्ञात समूहले दुवै गाडीमा आगो लगाएको भेटिएको हो ।
जिल्ला प्रहरी कार्यालयका सूचना अधिकारी रहेका प्रहरी निरीक्षक विरेन्द्र गुरुङले घटनाको प्रकृति अस्वभाविक र रहस्यमय देखिएकोले थप अनुसन्धान गरिरहेकाे बताएका छन् । सवारी साधनमा आगलागी गर्ने ब्यक्तिहरुको पहिचान भएको छैन ।
सम्बन्धित खबर
भूकम्पको स्मरणः बारपाकमा आज सार्वजनिक बिदा
पर्यटकीय राजधानीलाई सफल बनाउन तीन तहकै सरकारको भूमिका महत्वपूर्ण : मुख्यमन्त्री अधिकारी
पोखराको चाउथेमा दुर्घटना: १९ वर्षीया खुसीको मृत्यु, स्कुटर चालक विनिता घाइते
सीप सिकौं, दक्ष बनौं भन्दै पोखरा १३ द्वारा निशुल्क तालिम, ४५ जना लाभन्वित
पोखरास्थित दराज अनलाइनको कार्यालयबाट नगद तथा सामान चोरी गर्ने ३ जना पक्राउ
पोखरा १० द्वारा वडा भित्रका सामुदायिक विद्यालयलाई स्टेशनरी वितरण
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग