कञ्चन थापा, पाेखरा । वैशाख ३० गते हुने स्थानिय तहको निर्वाचन नजिकिरहँदा दलहरूले घरदैलाे अभियानलाई तीव्रता दिएका छन् ।   पोखरा महानगरपालिका वडा नं. ४ मा नेकपा एमालेका उम्मेदवारहरु घरदैलो गरिरहँदा वडाबासीमा पनि उत्साह देखिएकाे छ । युवा नेता मदनकुमार मुल्मी नेतृत्वकाे जाेशिलाे टीम घरघर अाउँदा वडाबासीहरू प्रफुल्ल देखिन्छन् ।

घरदैलोको आज सातौँ दिनमा वडाका बागलुङ बसपार्क, शाही टोल, कालीमाटी टोल, गैह्रापाटन, सिद्धार्थ टोल हुँदै चिप्लेढुङ्गाका विभिन्न ठाउँमा भेटघाट गरिएकाे छ ।

घरदैलो गरिरहँदा उम्मेदवारहरुलाई मतदाताहरुले अहिलेको वडा नेतृत्वले वडा भित्र खासै विकासका कामहरू नगरेको भन्दै गुनासो पोखेका छन् । वडाको विकासका लागि आफूहरुलाई एकपटक जिताएर पठाउन आग्रह समेत उम्मेदवारले गरेका छन् । युवा जोश, अग्रजको सल्लाह अनुसार र वडा नम्बर ४ वासीको आवश्यकता र मागलाई सम्बोधन गरेर अगाडि बढ्ने आफ्नो प्रतिबद्धता रहेको मुल्मीले उल्लेख गरे ।

सामाजिक आर्थिक रुपान्तरण गर्नको लागि, सामुदायिक विद्यालयमा गुणस्तरीय शिक्षामा सुधार ल्याउनको लागि, वडाको फोहोरमैलाको उचित व्यवस्थापन गर्नको लागि, स्वच्छ खानेपानी, सफा बस्ती र राम्रो रहनसहनको लागि, निरोगी वडा स्वस्थ वडाबासी बनाउनको लागि, मौलिक कला र संस्कृतिको संरक्षण गरी पर्यटनमा वृद्धि गर्नको लागि, संस्थागत सुदृढीकरण र संस्थागत विकास गर्नको लागि नेकपा एमालेको टीमलाई वडाबासीले मतदान गर्नेमा उम्मेदवारहरु विश्वस्त छन ।

स्थानिय तहको निर्वाचनका लागि पोखरा महानगरपालिका वडा नम्बर ४ काे अध्यक्ष पदका लागि मदन कुमार मुल्मी, सदस्य पदका उम्मेद्वारहरु सिमा कोइराला, अब्दुल हमिद, लक्ष्मी देवि पराजुली र उत्पिडित महिला सदस्य कमला सिके रहेका छन् ।