पोखरा । युनाइटेड रेफरेन्स ल्याबोरेटी प्रालि (युआरएल)ले पोखरा १४ को चाउथेमा सेवा केन्द्र खोलेको छ । पोखरा महानगरका विभिन्न क्षेत्र र गण्डकी प्रदेशबासीलाई स्थानीय रुपमै गुणस्तरीय ल्याब सेवा प्रदान गर्ने उद्देश्यले युआरएलले ११ औं स्थानमा सेवा विस्तार गरेको हो ।
यसअघि युआरएलले पोखरामा सभागृहचोकको केन्द्रीय कार्यालय, बाटुलेचौर, हस्पिटलचोक र शिशुवाबाट सेवा दिइरहेको छ । युआरएलले पोखराबाहिर लमजुङको बेसीसहर, स्याङ्जाका पुतलीबजार र वालिङ, तनहुँका दमौली र दुलेगौंडाबाट सेवा प्रदान गरिरहेको छ ।
सेवा सुरुआतको अवसरमा शनिबार युआरएल चाउथे परिसरमा निशुल्क शिविरसमेत आयोजना गरिएको छ । शिविरमा ३ सय ७ जनाको सित्तैमा मधुमेह तथा रगतमा हुने खराब बोसो (टिजी) जाँच गरिएको छ । शिविरमा अरु सबै प्रकारका जाँच र होलबडीका प्याकेजमा समेत ५० प्रतिशत छुट दिइएको छ ।
कार्यक्रममा वरिष्ठ फिजिसियन डा कृष्णराज अधिकारीले मधुमेह तथा टिजीबारे प्रकाश पारे । उनले उचित जीवनशैली, स्वास्थ्य सजगता र समयमै जाँच गरे धेरै रोगबाट बाच्न सकिने उल्लेख गरे ।
पोखरा १४ का वडाध्यक्ष बोधराज कार्कीले निजी स्वास्थ्य संस्थाले सामाजिक उत्तरदायित्व वहन गर्दै अघि बढ्नु प्रशंसनीय भएको विचार राखे । उनले भावी दिनमा युआरएल र चाउथे स्वास्थ्य क्लिनिकसँग सहकार्य गरिने बताए ।
युआरएलका अध्यक्ष ठाकुरप्रसाद पन्तले प्रदेशकै पहिलो र लोकप्रिय ल्याब भएकाले आफूहरु प्रदेशलाई रगत जाँचमा आत्मनिर्भर बनाउन लागेको उल्लेख गरे । उनले सामाजिक उत्तरदायित्व वहन गर्दै प्रदेशलाई रक्त परीक्षणमा आत्मनिर्भर बनाउने दिशामा संस्था लागेको बताए ।
गण्डकी प्रदेशका मुख्य सहरमा शाखा खोलेर प्रदेशका बासिन्दालाई गुणस्तरीय सेवा पु¥याउन युआरएल लागिपरेको युआरएलका अर्थ निर्देशक गणेश कोइरालाले बताए । उनले चाडै पोखराको विरौटा सेवा दिइने उनले उल्लेख गरे ।
सेवा केन्द्र सुरुआत भएको अवसरमा साउनभर सबै प्रकारका रगत जाँचमा ३० प्रतिशत छुट दिइने सञ्चालक मणि न्यौपानेले जानकारी दिए । उनले युआरएल चाउथेसँगै रहेको चाउथे स्वास्थ्य क्लिनिकले साउन ५ गतेबाट सेवा दिने बताए । पोखराको तेस्रो ठूलो वडा पोखरा १४ का बासिन्दाको माग र आवश्यकतालाई मध्यनजर गरी क्लिनिक र ल्याबसँगै सञ्चालन गरिएको उनको भनाइ छ ।
युआरएलले अहिलेसम्म करिब १ लाख सेवाग्राहीको सित्तैमा रगत जाँच गरेको छ । सामाजिक उत्तरदायित्व वहन गर्दै युआरएलले विभिन्न संघ, संस्थासँग सहकार्य गरी १ सय १५ वटा निशुल्क स्वास्थ्य शिविर गरिसकेको छ ।
सम्बन्धित खबर
तनहुँमा घरको छतबाट खसेर २२ महिनाको बालकको मृत्यु
स्थानीय तह कर्मचारी संठनले बुझायो २७ बुँदे माग राख्दै ज्ञापनपत्र
अनुशासित र इमान्दारितापूर्वक काम गर्न नगर प्रहरीलाई उपमेयर गुरूङको निर्देशन
ईन्टर कलेज ब्याण्ड कम्पिटिशनका दर्शकलाई एनटिसीको सीम निःशुल्क वितरण गरिने
लमजुङमा डाक्टर कुट्ने वडा अध्यक्ष बस्नेत प्रहरी हिरासतमा
बिरामीको मृत्युपछि पोखरा मणिपालका डाक्टरमाथि हातपात
यो पनि पढौँ
आँखामा राख्दा पनि नबिझाउने ‘बिनोद सर’ अब सम्झनामा
रेडियो देशान्तरमै झुण्डिए पत्रकार, कारण प्रेमिका
तनहुँको भिमादस्थित सेती नदी किनारमा मृत भेटिइन् पोखराकी रमा
क्यान्सर पीडित पत्नीको उपचार गर्न नसकेपछि सँगै देहत्याग, एकै चितामा अन्त्येष्टि