पोखरा । राष्ट्रिय प्रजातन्त्र पार्टी कास्की क्षेत्र नम्बर ३ बाट मंसिर ४ गते हुन लागेको आसन्न प्रतिनीधिसभा र प्रदेशसभा निर्वाचनका लागि प्रत्यक्षतर्फ सर्वसम्मत रुपमा ३ जनाको नाम सिफारिश भएको छ । त्यस्तै सोही क्षेत्रबाट समानुपातिक उम्मेदवारका लागि ११ जनाको नाम सिफारिश भएको छ ।

कास्की क्षेत्र नम्बर ३ मा प्रत्यक्षतर्फ सर्वसम्मत सिफारिश हुनेहरुमा प्रतिनीधिसभाका लागि जिल्लाका निवर्तमान उपाध्यक्ष जगत प्रसाद सुवेदी, प्रदेशसभा ‘क’ का लागि जिल्ला सदस्य मैतलाल गुरुङ र प्रदेशसभा ‘ख’ का लागि क्षेत्रीय सदस्य हरिराम भण्डारी रहेका छन्।

त्यस्तै प्रतिनीधिसभा समानुपातिक तर्फ केन्द्रिय सदस्य कुल बहादुर गुरुङ ‘कुलु’, महेन्द्र गोपाल थापा, दिल कुमारी अधिकारी र कृष्ण कुमारी सुवेदी गरि ४ जनाको नाम सिफारिश भएको छ । प्रदेशतर्फ समानुपातिकमा बरुण बिक्रम राणा, केदारनाथ पौडेल, गोपाल थापा मगर, बिजुली प्रसाद गुरुङ, मिन प्रसाद लामिछाने, जीवन कुँवर र भोलाजंग सुवेदी गरि ७ जना को नाम सिफारिश भएको राप्रपा कास्की क्षेत्र नम्बर ३ का अध्यक्ष तिर्थराज सुवेदीले जानकारी दिएका छन् ।