गोरखा–२ बाट प्रचण्डको उम्मेदवारी दर्ता

गोरखा–२ बाट प्रचण्डको उम्मेदवारी दर्ता

Prachanda

काठमाडौं । आगामी मंसिर ४ गते हुन लागिरहेको प्रतिनिधिसभा सदस्यको निर्वाचनका लागि नेकपा (माओवादी केन्द्र)का अध्यक्ष पुष्पकमल दाहाल प्रचण्डले गोरखा–२ मनोनयन दर्ता गराएका छन् । नेपाल समाजवादी पार्टीका अध्यक्षसमेत रहेको डा. बाबुराम भट्टराईको सो निर्वाचन क्षेत्रमा माओवादी अध्यक्ष प्रचण्डले मनोनयन दर्ता गराएका हुन् ।

प्रचण्ड आइतबार भट्टराई र माओवादीा वरिष्ठ उपाध्यक्ष नारायणकाजी श्रेष्ठलाई लिएर गोरखा पुगेका थिए । उनले नेताद्वयलाई दायाँबायाँ राखेर उम्मेदवारी दर्ता गराएका छन् ।

प्रचण्डले हरेक निर्वाचनमा क्षेत्र परिवर्तन गरेर उम्मेदवारी दिने गरेका छन् । २०६४ को निर्वाचनमा काठमाडौं र रोल्पाबाट निर्वाचन जितेका उनले २०७० सालको निर्वाचनमा भने काठमाडौंसहित सिराहाबाट उम्मेदवारी दिएका थिए । त्यसैगरी, २०७४ सालको प्रतिनिधिसभा निर्वाचनमा चितवन–३ बाट निर्वाचन जितेका उनी यसपटक भने गोरखा पुगेका छन् ।

प्रतिक्रिया

लेखकको बारेमा

गण्डक न्यूज

गण्डक न्यूज

गण्डक न्यूज डेस्क

ट्रेन्डिङ


This will close in 2 seconds