पोखरा । कास्की नौडाँडाकी मोती परियार मंगलबार मध्यान्ह घरकै पिँढीमा थिइन् । त्यहीबेला कास्की ३ मा एमालेबाट प्रतिनिधिसभा उम्मेद्वार रहेका दामोदर पौडेल बैरागी र कास्की ३ (ख)का उम्मेद्वार राजीव पहारी पुगे । दुवैले मत मागे ।
६० वर्षीय मोतीको घरमा दुई वर्षअघिको पहिरोले क्षति पुगेको थियो । त्यतिबेला तत्कालीन प्रदेश सांसद पहारी खाद्यान्न र पाल लिएर मोतीको घर पुगेका थिए । मोतीले भोट माग्न आएका पहारीलाई चिनिहालिन् ।
आफूलाई दुःख पर्दा राहत लिएर आएको पार्टीका उम्मेद्वारलाई भोट दिने भन्दै मोतीले ढुक्क भएर जान आग्रह गरिन् । ‘पहिला पहिरो जाँदा राहत लिएर आउनुभएको याद छ । भोट सूर्यमै दिन्छु,’ मोतीले उम्मेद्वारसँग भनिन्, ‘जितेपछि मेरो घरको आँगन कसरी हुन्छ बनाइदिनु पर्यो ।’
अन्नपूर्ण गाउँपालिका पाउँदुर कोटकी देवीकुमारी गुरुङ मंगलबार भत्ता थाप्न नौडाँडास्थित बैंक आएकी थिइन् । त्यहाँ उम्मेद्वार बैरागी र पहारीसँग उनको भेट भयो । ७८ वर्षीय उनले आफूले सधैँ एमालेलाई भोट हालेको र यसपटक पनि हाल्ने बताइन् । ‘भत्ता दिने पार्टी हो भन्ने थाहा छ । कहिले यता, कहिले उता गर्ने मान्छे होइन । सधैँ एमालेलाई नै भोट हालेकी छु,’ उनले भनिन् ।
एमाले उम्मेद्वारद्वय बैरागी र पहारीले जनताका समस्या सुन्ने र त्यसलाई समाधान गर्ने वाचासहित आफ्नो चुनावी घरदैलो अभियानलाई जारी राखेका छन् । उनीहरू मंगलबार कास्कीको अन्नपूर्ण गाउँपालिका १, २ र ३ का बस्ती–बस्ती पुगेका छन् । पार्टी केन्द्रीय सल्लाहकार परिषद् सदस्य देवी सुवेदी, अन्नपूर्ण गाउँ कमिटी अध्यक्ष विवेक देवकोटासहित स्थानीय नेता–कार्यकर्ता उम्मेद्वारसँगै घरदैलोमा थिए ।
सम्बन्धित खबर
पोखरा स्वास्थ्य केन्द्र भवनबाट सरकारी कागजात चोर्नेहरू पक्राउ
नेपाल पर्यटन बोर्ड पोखरा स्पोर्टस् अवार्डको प्रवर्द्धक
डाइनामिक युथ लिडर दर्शन लोकप्रिय मतका साथ सचिवमा निर्वाचित
एमाले कास्की अध्यक्षमा बैनबहादुर अधिकारी क्षत्री निर्वाचित, अधिकारीको प्यानल नै विजयी
२० घण्टामा मतदान सकियाे, २ घण्टा भित्रै मतपरिणाम घोषणा हुने
मतदातालाई सास्ती: १६ घण्टामा ६ सय मतदान, ३ सयले भोट हाल्नै बाँकी
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग