नेपाली भाषा शिक्षक परिषद्, कास्की, नेपालले नेपाली हिज्जे प्रतियोगिता शनिबार सम्पन्न गरेको छ ।

प्याब्सन कास्कीको सभाहलमा भएको उक्त प्रतियोगितामा केफ माध्यमिक विद्यालय प्रथम, न्याश्नल इन्भेन्टिभ द्वितीय , वेलनन एकेडेमी तृतीय, डायमण्ड मावि चतुर्थ र बालप्रभात बोर्डिङ र मदरल्याण्ड मावि सान्त्वना भएका छन् ।

कार्यक्रमका प्रमुख अतिथि राष्ट्रिय परीक्षा बोर्ड प्रदेश परीक्षा व्यवस्थापन कार्यालय गण्डकी प्रदेशका निमित्त कार्यालय प्रमुख लक्ष्मण देवकोटाले विद्यार्थीहरूको अद्भूत क्षमताप्रति अति नै खुसी भएको बताउँदै भाषा विकास र देश विकासका लागि नेपाली भाषा उत्तिकै महत्व भएको कुरा व्यक्त गरे ।

सामाजिक अध्ययन मञ्चका अध्यक्ष दिनेश अर्याल  र परिषद्का सल्लाहकार तथा निर्णायक संयोजक दिनेश सापकोटा रहेका कार्यक्रममा निर्णायकका रूपमा डोलराज अर्याल , शिवहरि सुवेदी, शशी शिशिर ढुङ्गाना, नारायण पराजुली, पोस्टराज सुवेदी , विष्णुप्रसाद पौडेल, पार्वती खनाल, टुका सुवेदी र इन्दिरा सापकोटा रहेका थिए

नेपाली भाषा शिक्षक परिषद्का अध्यक्ष डिल्लीराम अर्यालको अध्यक्षतामा सम्पन्न कार्यक्रममा संयोजक विक्रम पौडलले स्वागत मन्तव्य व्यक्त गरे भने कार्यक्रमको सञ्चालन सचिव सूर्यप्रसाद लम्सालले गरेका थिए ।