पोखरा। डढेलो र प्रदूषणका कारण पोखरा सहित देशका मध्य तथा पूर्वी भागमा वायु प्रदूषणको स्तर अत्याधिक बढेर भिजिबिलिटी कम हुँदा विगत ४ दिनदेखि पोखराको हवाई उडान तथा अवतरण प्रभावित बनेको छ।
दैनिक तीन हजार यात्रुको आवतजावत हुने पोखरा अन्तराष्ट्रिय विमानस्थलको हवाई उडान वायु प्रदुषणकै कारण भिजिबिलिटी कम भएर प्रभावित बनेको पोखरा अन्तराष्ट्रिय विमानस्थलका प्रवक्ता विष्णु अधिकारीले गण्डक न्युजलाई बताए।
अधिकारीका अनुसार पोखराको आकासको अहिलेको भिजिबिलिटी १५०० मिटर छ। आँखाले हेरेर उडान गर्ने (भिएफआर) प्रविधिबाट उडान भर्न ५ हजार मिटर भिजिबिलिटीको आवश्यक पर्छ भने, यान्त्रिक उडान भर्ने (आइएफआर) जहाजका लागि ३ हजार सात सय मिटर आवश्यक पर्छ।
यस्तै विमानस्थलको टावर कन्ट्रोलरका अनुसार चार दिन देखि पोखराबाट हुने उडान अवतरण प्रभावित बनेको छ। शुक्रबार बिहान पोखरा विमानस्थलबाट एउटा मात्र उडान भएकोमा त्यसपछि कुनैपनि उडान अवतरण हुन सकेको छैन।
यता, वन विभागको तथ्यांकअनुसार अहिले देशका ९२ स्थानमा डढेलो लागिरहेको छ । विभागको अनलाइन फायर अलर्ट गर्ने मोडिस प्रणाली अनुसार प्युठानका १५ , चितवनका १४ र पर्साका १० मा डढेलो लागिरहेको छ भने पाल्पाका ७, दाङका ६ र गोर्खाका ५ स्थानमा डढेलो सक्रिय छ ।
वातावरण विभागका अनुसार डढेलो र प्रदूषणका स्थानिय स्रोतका कारण देशका मध्य तथा पूर्वी भागमा वायु प्रदूषणको स्तर अत्याधिक रुपमा बढेको पाइएको छ । यसमा पनि बिहान र बेलुकाको समयमा प्रदूषण अत्याधिक बढेको विभागले जनाएको छ ।
सम्बन्धित खबर
पृथ्वीचोकमा बसबाट झर्नासाथ तानातान गरेर हैरान पारेको आरोपमा ७ जना पक्राउ
पोखराको प्राइम सहकारी ठगी कसूरमा थप एक पक्राउ
पोखरा ६ मा प्रथम वडा स्तरीय बुद्धिचाल प्रतियोगिता
रामघाटबाट ड्रग्ससहित तीन युवक पक्राउ
चौथो संस्करणको अन्नपूर्ण म्याराथन जेठ २१ मा हुँदै
पोखरा विश्वविद्यालय शिक्षण अस्पताल उद्घाटन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग