पोखरा । राष्ट्रिय विभूति आदिकवि भानुभक्तको २१० औं जन्मजयन्ती पोखरामा विविध कार्यक्रम गरी मनाइएको छ ।

भानु वाङमय प्रतिष्ठान पोखराले शुक्रबारले शुक्रबार बिहान प्रभातफेरीसहित विविभ कार्यक्रम गरेको छ । चिप्लेढुंगाबाट सुरु भएको ¥याली महेन्द्रपुल, रानीपौवा, हुँदै फूलबारीस्थित भानुपार्कमा पुगेर समारोहमा परिणत भएको थियो । कार्यक्रममा पोखरा महानगरपालिकाका मेयर धनराज आचार्यले भानुको शालिकमा माल्यार्पण गरे ।

पृथ्वीनारायण क्याम्पसबाट स्नातकोत्तर तह नेपाली विषयमा सर्वोत्कृष्ट अंक ल्याउन मीलनकुमारी नेपालीलाई उक्त अवसरमा भानु वाङमय पुरस्कार २०८० प्रदान गरिएको छ । पर्यटन व्यवसायी गणेशबहादुर भट्टराईले स्थापना गरेको पुरस्कार प्रतिष्ठानले सञ्चालन गर्दै आएको छ ।
कार्यक्रममा साहित्यकार, शिक्षक, विद्यार्थी, समाजका लब्ध प्रतिष्ठित व्यक्तिहरु, सुरक्षाकर्मी लगायत सहभागी थिए ।

भानुभक्तीय रामायण वाचन प्रतियोगिता

२१० औं भानुु जयन्तीका अवसरमा आदिकवि भानुुभक्त क्याम्पस, व्यास–१ तनहुुँको आयोजनामा भानुुभक्तीय रामायण वाचन प्रतियोगिता सम्पन्न भएको छ ।प्रतियोगिताका लागि कास्की र तनहुँबाट विभिन्न विद्यालयका २९ जना विद्यार्थीहरू सहभागी भएका थिए ।

प्रतियोगितामा आदिकवि भानुुभक्त माध्यमिक विद्यालय, तनहुँका छात्रा नमुुना पन्थी प्रथम, बालमन्दिर माध्यमिक विद्यालय, तनहुुँका छात्राद्वय रोशा रसायली र अनिषा घर्ती द्वितीय र गोगन माध्यमिक विद्यालय कास्कीकी छात्रा सुजाता पौडेल तृतीय भएका छन् ।

प्रतियोगितामा महर्षि बेदब्यास मावि तनहुँका श्रेयन आचार्य र शिव मावि तनहुँकी सुनयना पौडेलले सान्त्वना स्थान प्राप्त गरेका छन् । प्रतियोगितामा प्रोत्साहन पुरस्कार स्वाधिनता पौडेललाई प्रदान गरियो ।

प्रतियोगिताका विजयी विद्यार्थीलाई आदिकवि भानुुभक्त क्याम्पसका सञ्चालक समितिका अध्यक्ष बुुद्धिमान श्रेष्ठ, क्याम्पस प्रमुख महाप्रसाद हड्खले, नेपाली विभागका प्रमुख विजयराज खनालले संयुक्त रुपमा पुुरस्कार तथा प्रमाणपत्र प्रदान गरेका थिए ।

कार्यक्रममा क्याम्पस प्रमुख महाप्रसाद हड्खलेले आदिकवि भानुुभक्त आचार्यले नेपाली भाषाका क्षेत्रमा अतुलनीय योगदान पु¥याएको बताउँदै उनको योगदान चीरकाल पर्यन्त जीवन्त रहने बताए ।

क्याम्पस सञ्चालक समितिका अध्यक्ष बुद्धिमान श्रेष्ठ, नेपाली विभाग प्रमुख विजयराज खनाल लगायतले यस किसिमका प्रतियोगिताले भानुभक्तको योगदानको स्मरणसँगै साहित्यिक गतिविधि जगेर्ना गर्न सहयोग पुग्ने विश्वास व्यक्त गरे ।