पोखरा । युवाको लागि समर्पित संस्था यूभिवाई इन्टरप्रेनर्सको शाखा पोखराको गणेशटोलमा पनि स्थापना गरिएको छ । शाखाको एक समारोहबीच सोमबार उद्घाटन गरियो ।

युवा उद्यमी मिलन श्रेष्ठले पछिल्लो समय देशमा बेरोजगारी बढ्दै गइरहेको र दैनिक बैदेशिक रोजगारीको लागि देश छाड्ने युवाको जमात बढ्दै गएकोले युवा जनशक्तिलाई देशमै रोक्न र देशमै केहि गर्न प्रेरित गर्नको लागि यूभिवाई यूभिवाई इन्टरप्रेनर्सको सुरूवात गरिएको बताए । उनले ईच्छुक ब्यक्तिहरू यसमा आबद्द हुन सक्ने पनि बताए ।

यस्तै, महिला उद्यमी सन्ध्या राईले अरू क्षेत्रहरूमा महिलाहरूलाई खासै प्राथमिकताका साथ अगाडि नबढाउने प्रचलन रहेको तर यस क्षेत्रमा महिलाहरूलाई पनि बिशेष प्राथमिकता दिइरहेको बताइन् ।

कार्यक्रममा राजेश राना, शम्भु पराजुली, अर्जुन नायक क्षेत्री, विशाल नायक क्षेत्री, बिवेक दर्जी लगायतले आफ्ना अनुभवहरु राखेका थिए ।

बिगत केहि समयदेखि यूभिवाई इन्टरप्रेनर्स आफ्नै देशमा केहि अलग गरी आफ्नो भबिष्य उज्ववल बनाउनको लागि युवाहरूलाई प्रेरित गर्दै आइरहेको छ ।