पोखरा। जिल्ला प्रहरी कार्यालय कास्कीले सुनका गरगहना चोरी गर्ने एक युवतीसहित दुई जनालाई पक्राउ गरेको छ।
पोखरा महानगरपालिका -१२ स्थित पशु सेवा तालिम केन्द्रको कार्यालय परिसरको आवास कोठाबाट अन्दाजी १६ तोला बराबरको सुनका गरगहना चोरी गर्ने सोही घरकी कामदार पर्सा जिल्ला पर्सागढी नगरपालिका -२ स्थायी घर भएकी २२ वर्षीया शिवदेवी चौधरी र मोवाइल पसलका संचालकलाई पक्राउ गरेको हो।
सोमबार अन्दाजी १ बजे उक्त घरको कोठाबाट सुनका गरगहना चोरी भएको भन्दै पीडितले दिएको उजूरीको आधारमा वडा प्रहरी कार्यालय रामबजार र जिल्ला प्रहरी कार्यालय कास्कीबाट खटिएको प्रहरीको टोलीले गरेको अनुसन्धान पश्चात सोही घरको कामदारको रूपमा रहेकी चौधरीलाई पक्राउ गरेको थियो। पक्राउ पश्चात चौधरीसँग प्रारम्भिक बयान लिने क्रममा उनले पोखरा -१० बुद्धचोक स्थित एक मोवाइल पसलमा गरगहना लुकाउन दिएको खुल्न आएपछि प्रहरीले मोवाइल पसलका संचालकलाई पनि पक्राउ गरेको हो।
हाल पक्राउ परेका उनीहरुमाथि चोरी तथा डाँका सम्बन्धी कसूरमा जिल्ला अदालत कास्कीबाट ६ दिनको म्याद थप गरी आवश्यक अनुसन्धान प्रक्रिया अगाडि बढाएको जिल्ला प्रहरी कार्यालय कास्कीले जनाएको छ।
सम्बन्धित खबर
काठमाडौँमा प्रहरी जवान शंकास्पद अवस्थामा मृत फेला
गायक रवि ओड ५ लाख धरौटीमा रिहा
कञ्चनपुरमा ढुंगाले हानेर पूर्वशिक्षकको हत्या
पोखरामा खुकुरी प्रहार गरी फरार भएका २ जना पक्राउ
पोखरामा लागुऔषध गाँजा सहित एक जना पक्राउ
ईदिखोलामा अवैध रुपमा नदीजन्य पदार्थ उत्खनन गर्ने जेसिवी नियन्त्रणमा
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग