पर्वतको सदरमुकाम कुश्मा बजारमा जीप दुर्घटना हुँदा ५ जना घाइते भएका छन् । एक जनालाई पाेखरा रेफर गरिएको छ भने अन्य सामान्य घाइते छन् ।

बागलुङदेखि नारायणगढ फर्किरहेको ना १ ज ५४३१ नम्बरको जीप दुर्घटनामा कुश्मा ७ दुर्लुङ चोकमा दुर्घटनामा परेको हो ।

जिल्ला प्रहरी कार्यालय पर्वतका अनुसार जीपमा सवार ११ जनामध्ये अन्य ८ जना सकुशल छन् ।गुडिरहेको जीपको अचानक ब्रेक फेल भएपछि चालकले दाहिने पट्टी मोडेका थिए ।

दुर्घटनामा परी बागलुङ जिल्लाको काठेखोला गाउँपालिका वडा नं. ५ बिउँ बस्ने ८७ बर्षका प्रज्ञाबहादुर पुन, सोहि स्थानका १२ बर्षकी जमुना सापकोटा र १४ बर्षका लक्ष्मी सापकोटा घाइते छन् । यस्तै, चितवन भरपुर महानगरपालिका ९ बस्ने १३ बर्षको लबसन गैरे र ४० बर्षकी राधिका गैरे पनि सामान्य घाइते भएका छन् । घाइतेहरुको पर्वत अस्पतालमा उपचार भईरहेको छ ।

घाइतेमध्ये ८७ बर्षका प्रज्ञाबहादुर पुनलाई पोखरा रिफर गरिएको छ ।

तस्वीर: पर्वत न्यूज