पृथ्वीनारायण क्याम्पसका सह प्राध्यापक डा. कर्णको निधन

गण्डक न्यूज सोमबार, ११ मंसिर २०८०

११ मंसिर २०८०

पोखराको पृथ्वीनारायण क्याम्पसका सहप्राध्यापक डा. धर्मेन्द्रलाल कर्णको असामयिक निधन भएको छ । उनी जूलोजी विभागकका सहप्राध्यापक हुन् ।

परिवार श्रोतका अनुसार आइतबार बेलुकी साढे ५ बजेतिर इभिनिङ वाकमा निस्केका डा. कर्ण २० मिनेट हिँडेपछि अचानक बेहोस भई ढलेका थिए । दिनभरी नियमित कार्य अध्यापन गरी फर्केका कर्ण अचानक बेहोस हुन पुगेका थिए ।

उनलाई तत्काल साथीहरुले अस्पताल पु¥याएपनि ज्यान जोगाउन नसकिएको बताइन्छ । कर्णको निधनको शोकमा क्याम्पसमा मंगलबार शोक बिदा दिइएको छ । तर, पूर्वनिर्धारित परीक्षाका कार्यक्रम भने यथावत् रहने स्पष्ट पारिएको छ ।

क्याम्पस प्रमुख प्रा.डा. सरोज कोइरालाले मंगलबार बिहान ८ बजे, विज्ञान भवनको प्रांगणमा शोकसभा राखिएकाले उपस्थितिका लागि विद्यार्थी, प्राध्यापकलाई सूचित गरेका छन् ।