स्याङ्जाको पञ्चकन्या माविका बाली विज्ञानका विद्यार्थीहरुले उत्पादन गरेका कृषि उपजहरुलाई बजारीकरण गरिने भएको छ ।
अर्जुनचौपारी गाउँपालिकाको सदरमुकाममा स्थित पन्चकन्या माध्यमिक विद्यालयका प्राविधिक धार बाली विज्ञान तर्फका विद्यार्थीहरुले आफैं सिक्दै, पढ्दै, कमाउँदै गर्ने अभियान अन्तर्गत कृषि उपजहरु उत्पादन गर्न लागेका हुन् ।
उनीहरुले आफ्नो विद्यालयमा पठनपाठन सँगसँगै हुने अतिरिक्त क्रियाकलाप मध्ये कृषि उपज उत्पादनलाई पनि जोड दिँदै बिक्रीवितरण गरी अतिरिक्त लाभ लिन सकिने बताउँछन् ।
विद्यालयले २ रोपनी जग्गा लिजमा लिएर विद्यार्थीहरुलाई पठनपाठन सँगसँगै अतिरिक्त क्रियाकलापमा पनि जोड दिँदै कृषि कार्यमा जोड्न सिक्दै पढ्दै साथै कमाउँदै अभियान शुरु गरिएको विद्यालयका शिक्षक पृथ्वी सुवेदीले बताए ।
उनले सो अभियानबाट विद्यालय, विद्यार्थी, अभिभावक साथै सरोकारवाला सबैलाई अतिरिक्त फाइदा हुने जानकारी दिए । आगामी दिनमा यस अभियानलाई निरन्तरता दिएर उपयुक्त समयमा एउटा नर्सरी स्थापना गरी कृषि उपज उत्पादन, च्याउखेती, सयपत्री फुल उत्पादन साथै विरुवाहरु उत्पादन गर्दै बिक्रीवितरण गरेको र अझ थप व्यवस्थित गर्दै विद्यार्थीहरुलाई यस्तै अतिरिक्त क्रियाकलापमा पनि सक्रिय बनाउने शिक्षक सुवेदीले बताए ।
सम्बन्धित खबर
बेवारिसे भेटिएकी चापाकोटकी नवजात शिशु स्याङ्जा अस्पतालमा, वैकल्पिक अभिभावकको खोजी
पोखरामा इलेक्ट्रोनिक बिल्डिङ परमिट सिस्टम (ईबीपीएस) सम्बन्धी प्रशिक्षण
आजको मौसम पूर्वानुमान
दमौलीबाट पोखरा आउँदै गरेको बस रुपामा दुर्घटना, एक घाइते
ग्राहकलाई कुट्ने दोहोरी साँझका साहुजी पक्राउ
पोखरा–मुग्लिन सडक विस्तारः १३ पुल सम्पन्न, ११ बन्दै
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग