पोखरा । बिजी हस्पिटल तथा गण्डकी मेडिकल कलेज मनाेराेग विभागकाे आयोजनामा  चाैथाे स्वास्थ्य सङ्गोष्ठी सम्पन्न भएकाे छ ।

बुद्धिसागर स्मृति प्रतिष्ठानकी संरक्षक गङ्गादेवी लामिछानेकाे अध्यक्षतामा सम्पन्न भएकाे सेमिनार दुई सत्रमा विभाजित गरिएकाे थियाे ।

डा. भाेजराज न्याैपाने तथा प्रा. डा. तिर्थलाल उपाध्यायले अध्यक्षता गरेकाे सङ्गोष्ठीकाे प्रथम चरणमा डा. राेविन्का पन्त तथा डा. सुनिता लामाले मनाेराेग विषयक साेध पत्र प्रस्तुत गरे ।

त्यस्तै, दाेस्राे चरणकाे कार्यक्रम प्रा. डा. देव कुमार थापा तथा डा. तारा काेइरालाकाे अध्यक्षतामा भएकाे थियाे । जहाँ ध्रुब सुनार तथा प्रा. डा. निर्मल लामिछानेले स्वास्थ्य जीवनका लागि शारिरीक एवं मानसिक व्यायामकाे आवश्यकता विषयमा प्रस्तुति दिएका थिए ।

कार्यक्रममा बिजी हस्पिटल पाेखराले नेपालमै प्रथमपटक भित्र्याएकाे शारिरिक एवं मानसिक व्यायामका लागि उच्च प्रविधियुक्त मेशिन- डिप टि एम् एस् काे चरणवद्ध थेरापीकाे विषयमा अन्तर्संवाद गरिएकाे थियाे ।

सुरक्षा सार्की तथा रामप्रसाद पाैडेलकाे संचालन रहेकाे साे सङ्गोष्ठीमा फिस्टेल हस्पिटलका सिनियर डा. वसन्त ताम्राकार तथा गण्डकी मेडिकल कलेजका प्रिन्सिपल रविन्द्र प्रसाद श्रेष्ठले सहभागी शाेधार्थीहरुलाई प्रमाणपत्र प्रदान गरेका थिए ।