पोखरा। कास्की प्रहरीले अवैध लागु औषध सहित तीन जनालाई पक्राउ गरेको छ। पोखरा महानगरपालिकाका दुई छुट्टा छुट्टै स्थानबाट प्रहरीले लागु औषध सहित तीन जनालाई पक्राउ गरेको हो।
प्रहरीका अनुसार पोखरा -६ जरेबरबाट लागु औषध गाँजा १ किलो र ब्राउन सुगर जस्तो देखिने पदार्थ ८० मिलिग्राम सहित प्रहरीले चितवन रत्ननगर -९ घर भइ जरेबरमा डेरा गरी बस्ने २७ वर्षीय सन्दिप श्रेष्ठ र पोखरा -१७ ड्यामसाइड घर भएका २१ वर्षीय बिजन सापकोटालाई पक्राउ गरेको हो।
वडा प्रहरी कार्यालय बैदाम र लागु औषध नियन्त्रण ब्यूरो शाखाबाट खटिएको प्रहरीले सन्दिपलाई १ किलो गाँजा र बिजनलाई उक्त परिमाणको ब्राउन सुगर जस्तो देखिने पदार्थ सहित पक्राउ गरेको जनाएको छ।
यस्तै, वडा प्रहरी कार्यालय गगनगौडाबाट खटिएको प्रहरी टोलीले जिल्ला कास्की पोखरा महानगरपालिका वडा नं. ३० पावरहाउस चोकबाट थप २ जना पक्राउ गरेको छ ।
सवारी साधन चेकजाँच गर्ने क्रममा पोखरातर्फ आउँदै गरेको बसमा सवार जिल्ला कास्की पोखरा महानगरपालिका वडा नं.०८ बगालेटोल बस्ने बर्ष २३ को राजन कुँवर र जिल्ला कास्की पोखरा म.न.पा. वडा नं. ९ न्यूरोड बस्ने बर्ष ३३ को बिष्णु कुँवरको साथबाट लागू औषध डाईजापाम ४० एम्पुल, फेनारगन ४० एम्पुल र नुर्फिन ४० एम्पुल गरी जम्मा १२० एम्पुल लागू औषध बरामद भएको प्रहरीले जनाएको छ ।
उनीहरूलाई पक्राउ गरी कास्की जिल्ला अदालतबाट लागू औषध सम्बन्धी मुद्दामा दिन पाँच (५) म्याद थप गरी अनुसन्धान प्रकृया अगाडि बढाइएको जनाइएको छ ।
सम्बन्धित खबर
बाल यौन दुर्व्यवहार आरोपमा पोखरा १२ स्थित सरस्वती आविका प्रअ रानाभाट पक्राउ
छोराको कुटपिटबाट आमाको मृत्यु
जेठी श्रीमती मार्दा कैद मिनाहा पाएका यामबहादुरले कान्छीलाई पनि बाँकी राखेनन्
स्याङ्जामा १२ वर्षीया बालिकामाथि जबरजस्ती करणी आरोपमा एक पक्राउ
लिफ्ट दिने बहानामा महिलामाथि दुर्व्यवहार गर्ने एक युवक पक्राउ
बैङ्क खाताको रकम चोरीका घटना बढ्दै, सचेत रहन साइबर ब्यूरोको आग्रह
यो पनि पढौँ
प्रतिभाका सबिन देशभरमै तेस्रो, गण्डकीमा पहिलो
पाकिस्तानमा हिमपहिरोमा हराइरहेका निम्सदाइ सहित अन्य पाँच नेपाली जीवित भेटिने आशा कमजोर, युक्तको शव निकालियो
देशभरका अस्पतालमा आकस्मिक बाहेकका सेवा ठप्प, बिरामी मर्कामा
सपनामा पनि मलाई संघीयता विरोधी नसोच्नुस्, हिन्दूराष्ट्र र राजतन्त्रको पक्षमा म छैन: बालेन