पोखराका मेयर धनराज आचार्यले भारतमा एक ध्यान शिविरको उद्घाटन गरेका छन् ।
रेशिमबाग मैदानमा सञ्चालित उक्त शिविरको मेयर आचार्यसहित स्थानीय अतिथिबाट उद्घाटन भएको थियो ।
शिविरमा महर्षी शिव कृपानन्द स्वामीद्वारा प्रेरित प्रवचन र ध्यान गराइएको छ । ध्यान शिविर पुस ३ गते शुभारम्भ भई १० गतेसम्म चल्नेछ । हरेक दिन बेलुका पाँच बजेदेखि आठ बजेसम्म शिविर चल्ने जनाइएको छ ।
ध्यान शिविरमा नेपालबाट प्रतिनिधित्व गरी मंगलबार मेयर आचार्यसहित १६ जना नेपाली साधकको उपस्थिति रहेको थियो ।
जाति, धर्म, भाषा, देश वा लिङ्गको भेदभावलाई हटाउन भन्दै आयोजना गरिएको निःशुल्क शिविरमा विश्वभरका ७० राष्ट्रका करिव १ लाख ५० हजारको सहभागिता रहेको दाबी गरिएको छ ।
शिविर अवधिभर नेपालबाट प्रतिनिधित्व गर्दै विभिन्न पार्टीका नेता कार्यकर्ताको सहभागिता रहने नेपाल समन्वयकर्ता तुलसीराम रेग्मीको भनाई छ ।
उनका अनुसार राष्ट्रिय स्वतन्त्र पार्टीका नेता तथा सांसद हरि ढकाल, नेकपा एमाले केन्द्रिय सचिव तथा पूर्व पर्यटन मन्त्री योगेश भट्टराई, नेपाली काङ्ग्रेसका युवा नेता एवं सांसद प्रदीप पौडेलको सहभागिता रहनेछ ।
हिमालयन ध्यान शिविर, हिमालयन समर्पण ध्यान योग केन्द्रका महर्षी शिव कृपानन्द स्वामीलाई नेपाल सरकारले भ्रमण वर्ष–२०२० मा सद्भावना दूतका रुपमा तत्कालीन प्रधानमन्त्री एवं नेकपा एमालेका अध्यक्ष केपी शर्मा ओलीबाट सम्मान गरिएको थियो ।
सम्बन्धित खबर
दुई प्रदेश जोड्ने राम्दी पुल निर्माण अन्तिम चरणमा
जंगली कुखुरा मार्न गएका बेनीका युवकको भीरबाट लडेर मृत्यु
चार वर्षमै अर्जुनचौपारीको शिक्षा क्षेत्रमा ठूलो फड्को
स्याङ्जामा बालबालिकालाई सारङ्गी सिकाइँदै, जोगाइँदै मौलिक संस्कृति
भरुवा बन्दुकसहित एक वृद्ध पक्राउ
गण्डकी प्रदेश प्रमुख भट्टसमक्ष मुस्लिम आयोगको वार्षिक प्रतिवेदन पेस
यो पनि पढौँ
सुदनले साधारण सदस्य समेत नरहने गरी पार्टी छाडे
शेखरले गगनलाई स्वीकार्दै , शशांक र धनराजसहितले छोडे देउवा समूह
अनुभवहीन नयाँ पात्रको उदयले लोकतन्त्र र राष्ट्रिय स्वाभिमानमाथि प्रश्न उठ्यो: पूर्वराष्ट्रपति भण्डारी
कैलालीमा मरेको ब्रोइलरको मासु खाँदा दुई दाजुभाइको मृत्यु, आमा र भाइ अस्पतालमा