बागलुङ जिल्ला टेबुल टेनिस संघको अध्यक्षमा प्रकाश पौडेल चयन भएका छन् ।

नेपाल टेबुल टेनिस संघ, केन्द्रीय कार्यालयको परिपत्र अनुसार पौडेलको अध्यक्षतामा नयाँ समिति गठन गरिएको हो । संघको उपाध्यक्षमा एलरिन थापा, सचिवमा राजु खत्री, कोषाध्यक्षमा इन्द्राकुमारी खत्री र सदस्यमा सुरज शाक्य रहेका छन् ।

संघको सल्लाहकारमा राजेन्द्र प्रसाद शाक्यलाई चयन गरिएको संघका नवनिर्वाचित अध्यक्ष पौडेलले जानकारी दिए । लामो समयदेखि टेबुल टेनिस र ब्याडमिन्टन खेलमा सक्रिय खेलाडी पौडेलको अध्यक्षतमा पाँच सदस्यीय नयाँ कार्यसमिति गठन भएको हो ।

संघले बाँकी सदस्य आगामी बैठकबाट मनोनित गर्ने जनाएको छ । संघको गठनसँगै जिल्ला खेलकुद विकाससँग सल्लाह र समन्वय गरी आगामी दिनमा बागलुङमा टेबुल टेनिस खेलको विकास गर्नुका साथै प्रतियोगिताका कार्यक्रम संचालन गरिने अध्यक्ष पौडेलले बताए ।

उनले पछिल्लो समयमा टेबुल टेनिस प्रति खेलाडीको आर्कषण घट्दै गएका कारण बागलुङमा यसको विकासमा आफूहरु निरन्तर लाग्ने योजना सुनाए ।

सम्बन्धित समाचारः

चरक हस्पिटलको ११ औं वार्षिकोत्सवः रक्तदान, दृष्टिविहीनलाई सहयोग र स्वास्थ्य जाँचमा छुट