पोखरा महानगरपालिका वडा नं. १७ का वडा सदस्य शिवराम भण्डारीले आफूलाई महानगरले दिँदै आएको सेवा सुविधा भत्ता आफ्नै वडाको जानकी माविलाई दिने निर्णय गरेका छन् ।

जानकी माविी सितापाइलाको ४६ औं बार्षिकोत्सबको उपलक्ष्यमा आफूले प्राप्त दुई बर्षको सुविधामा १ लाख ४० हजार थप गरेर विद्यालयको हित कोषमा उपलब्ध गराउने घोषणा गरेको विद्यालयका सूचना अधिकारी कमल प्रसाद आचार्यले सराङ्कोट बताएका छन् ।

पोखरा महानगरपालिका १७ मा रहेको जानकी माविले स्थापनाको ४६ औं बर्षगाँठ मनाईरहँदा ३३० जना विद्यार्थीलाई पठनपाठन गर्दै आएको छ ।

हाल ११ र १२ कक्षामा फरेस्ट्री बिषय पढाउँदै आएको छ । तर, विद्यार्थीको अवभाव झेलिरहेको छ । प्राविधिक बिषयमा अध्ययन गराउने उद्देश्यले ल्याएको नयाँ पाठ्यक्रम विद्यार्थीको अभावमा बन्द पो हुने हो कि ? भन्ने चिन्ता गर्छन् वडा नम्बर १७ का जनप्रतिनिधि भण्डारी ।

आफूले विद्यालयको आर्थिक स्रोत बलियो नभएकोले महानगरले दिने सुविधामा ब्यक्तिगत तर्फबाट थपेर स्कूललाई सहयोगको घोषणा गरेको भण्डारीले बताए । उनले आफूले दिएको रकम खर्च कार्यविधि बनाएर प्रदान गर्ने घोषणा गरेका हुन ।

यस्तै, पोखरा वृद्धाश्रम सितापाइलाले ६ कक्षामा अध्ययनरत २३ जना विद्यार्थीलाई निःशुल्क खाजा खुवाउने घोषणा गरेको छ । आफै दान लिएर वृद्धाश्रम चलाउँदै आएको संस्थाले पनि सामुदायिक विद्यालयका गरिब विद्यार्थीलाई सहयोग गर्ने कार्य अनुकरणीय रहेको छ ।