स्याङ्जाको अर्जुनचौपारी गाउँपालिका-१ बजारस्थित खेलमैदानमा दरौँखोला युवा परिवारले आयोजना गरेको वडा क्लब स्तरीय भलिबल प्रतियोगितामा आयोजक दरौँखोला युवा क्लबलाई हराउँदै सम्झना युवा क्लब विजेता भएको छ ।
सम्झना युवा क्लबले गण्डकी प्रदेश भलिबलका सदस्य हिमाल सुनारी र जीवन विक सहभागी दरौँखोला युवा क्लब `ए´लाई ३-२ को सेटमा हराएर विजेता भएको हो । सम्झना युवा क्लबले दरौँखोलालाई २२-२५, २५-१९, २५-१७, २३-२५ र १५-९ अंकले पराजित गरेको हो ।
सम्झना युवा क्लबमा गण्डकी प्रदेश भलिबलका पुर्व कप्तान तथा टिपटप हेल्प नेपाल भलिबलका सदस्य सन्जु बिक्रम शाह र टिपटप हेल्प नेपाल भलिबलका सदस्य चिरन खड्का सहभागी थिए ।
यस्तै, राष्ट्रिय भलिबल नेपालका कप्तान मान बहादुर श्रेष्ठ र सदस्य धन बहादुर भट्ट सहभागी अग्रदिप युवा क्लबले २५-१६, २५-१७ र २५-२० अंकले ३-० को सोझो सेटमा आयोजक `बि´लाई हराउँदै तेस्रो स्थान हासिल गरेको हो ।
उक्त भलिबल प्रतियोगितामा शिल्ड, मेडल र प्रमाणपत्रसहित विजेता सम्झना युवा क्लबले नगद एक लाख २१ हजार १११ रुपैयाँ, उपविजेता आयोजक दरौँखोला युवा क्लब `ए´ले ८१ हजार १११ रुपैयाँ, तृतीय अग्रदिप युवा क्लबले ४१ हजार १११ र सान्त्वना हुने आयोजक `बि´ले ११ हजार १११ रुपैयाँ पुरस्कार हात पारेको हो ।
विभिन्न विधा अन्तर्गत बेस्ट प्लेयर सन्जु बिक्रम शाह, बेस्ट स्पाइकर मान बहादुर श्रेष्ठ, बेस्ट सर्भर धन बहादुर भट्ट, बेस्ट सेटर गौरभ गुरुङ, बेस्ट ब्लकर चिरन खड्का, बेस्ट डिफेन्डर अनिश सुनार, बेस्ट कुइकर हिमाल सुनारी, अनुशासित प्लेयर जीवन विक र बेस्ट कोच अमर गुरुङलाई नगदसहित पुरस्कृत गरिएको हो ।
विजेता तथा उपविजेतालाई गण्डकी प्रदेश सभा सदस्य सुधीर कुमार पौडेलले पुरस्कार वितरण गर्नुभएको थियो ।
फागु पुर्णिमाको अवसरमा आयोजित चैत्र ११ गतेबाट सुरु भएको भलिबल प्रतियोगितामा १९ टिमको सहभागी रहेको थियो । प्रतियोगितामा राष्ट्रिय तथा प्रदेश स्तरीय खेलाडीहरुको घम्साघम्सी भएको थियो ।
सम्बन्धित खबर
तिनाउ नदीमा डुबेर बागलुङका एक बालकको मृत्यु, एक बेपत्ता
पोखरा १३ : सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
समावेशी शिक्षा मापदण्डको प्रारम्भिक मस्यौदा माथि छलफल
अन्नपूर्णमा सार्वजनिक सुनुवाइ, ३१ कार्यालयका प्रमुखको उपस्थिति
पत्रकार सन्तोष पोखरेल सम्मानित
रोटरी क्लब अफ पोखरा क्यापिटलको चार्टर प्रेजेन्टेसन तथा पहिलो पदस्थापन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग