गण्डकी प्रदेश प्रमुख डिल्लीराज भट्टले तमु (गुरुङ) समुदायको महान पर्व ट्होटेंको अवसरमा प्रदेशवासीलाई शुभकामना दिएका छन् ।
हरेक वर्ष साउन र चैतको अन्तिम मंगलबार मनाइने ट्होटें पर्व गुरुङ समुदायले आज मंगलबार धुमधामका साथ मनाउँदैछन् ।
प्रदेश प्रमुख भट्टले शुभकामना सन्देश जारी गर्दै ट्होटेंजस्ता मौलिक पर्वले भातृत्व, अपनत्व, आपसी सद्भाव तथा धार्मिक सहिष्णुता कायम राख्न अझ बढी प्रेरणा र बल प्रदान गर्ने गरेको बताएका छन् ।
प्रदेश प्रमुख भट्टको शुमकामना सन्देशमा बहुजातिय, बहुभाषिक, बहुधार्मिक, बहुसाँस्कृतिक एवं भौगोलिक विविधता भएको नेपालमा विभिन्न जातजाति र समुदायले मनाउने यस्तै अनेकन मौलिक चाडबाडले धार्मिक, साँस्कृतिक, सामाजिक समभाव कायम गरी राष्ट्रिय एकतालाई मजबुत बनाउन योगदान दिएको जनाएका छन् ।
‘गुरुङ समुदायको महान पर्वका रुपमा खुशीयालीस्वरुप विशेष उत्साह र उमङ्गका साथ मनाउने ट्होटेंले छुट्टै मौलिक, परम्परा र साँस्कृतिक महत्व बोकेको छ’ प्रदेश प्रमुख भट्टको शुभकामना सन्देशमा भनिएको छ, ‘ट्होटेंले विविध धर्म र सँस्कृति मान्ने समस्त गण्डकी प्रदेशवासीहरुमा भातृत्व, अपनत्व आपसी सद्भाव तथा धार्मिक सहिष्णुता कायम राख्न अझ बढी प्रेरणा र बल प्रदान गर्नेछ भन्ने विश्वासका साथ गण्डकी प्रदेशवासी सबैमा शुभकामना व्यक्त गर्दछु ।’
सम्बन्धित खबर
मदन–आश्रितको सम्झनाः पोखराको स्मृति पार्कमा माल्यार्पणसँगै सरसफाई, जबजको विशेषताबारे विवेचना
पोखरा अन्तर्राष्ट्रिय विमानस्थलबाट अन्तरदेशीय उडान गर्न प्रोत्साहन प्याकेज
पोखरामा खुकुरी प्रहार गरी फरार भएका २ जना पक्राउ
पोखरामा लागुऔषध गाँजा सहित एक जना पक्राउ
सार्दीखोला पोखरा सम्पर्क समितिको अध्यक्षमा बम बहादुर
तनहुँको व्यास नगरपालिकामा निर्वाचन भएको दुई वर्षपछि पुनःमतगणना हुँदै
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग