स्याङ्जामा प्रथम गल्याङ कप पुरुष भलिबल प्रतियोगिता सुरु भएको छ । तेस्रो गल्याङ औद्योगिक, व्यापार तथा कृषि महोत्सवको अवसरमा आयोजित प्रथम गल्याङ कप आमन्त्रित जिल्ला स्तरीय पुरुष भलिबल प्रतियोगिता सुरु भएको हो ।
गल्याङ नगरपालिका -३ तल्लो गल्याङ स्थित खेलमैदानमा हुने प्रतियोगितामा राष्ट्रिय तथा प्रदेश स्तरमा खेल प्रदर्शन गरिसकेका खेलाडी सहित १० जिल्लाको सहभागिता रहेको खेल संयोजक विशाल थापाले जानकारी दिए ।
शनिबार सकिने प्रतियोगिताको विजयी टिमले एक लाख ५० हजार नगदसहित ट्रफी, मेडल र प्रमाणपत्र प्राप्त गर्नेछन् । त्यस्तै, उपविजेता हुने टिमले एक लाख, तृतीयले ५० हजार र सान्त्वनाले २५ हजार नगदसहित ट्रफी, मेडल र प्रमाणपत्र पाउनेछन् ।
यस्तै गरि विभिन्न विधा अन्तर्गत उत्कृष्ट खेलाडी, स्पाइकर, ब्लकर, सेटर, डिफेन्डर, सर्भर, प्रशिक्षक र अनुशासित खेलाडीलाई पुरस्कार प्रदान गरिने खेल संयोजक विशाल थापाले बताए ।
भलिबल प्रतियोगिताको उद्घाटन स्याङ्जा जिल्ला उद्योग वाणिज्य संघका पूर्व अध्यक्ष महेन्द्र श्रेष्ठले गरेका थिए । उनले धेरै युवाहरूको रुचि रहेको खेल भलिबल रहेको बताउँदै स्थानीय स्तरमा आयोजित प्रतियोगितामा देशका गहना रहेका खेलाडीहरु आएर खेल देखाउँदा स्थानीय खेलाडीहरुलाई प्रत्यक्ष खेल सिक्ने मौका मिल्ने जनाएका छन् ।
सम्बन्धित खबर
पोखरा जेसिजको सप्ताह: रक्तदानदेखि ट्राफिक सचेतना
गण्डकी प्रदेश प्रहरी प्रमुख डिआइजी दुर्गाद्वारा पदभार ग्रहण
गण्डकी प्रदेशको मुख्यमन्त्रीमा अधिकारी नै, नियुक्ति विरूद्धको रिट सर्वोच्चद्वारा खारेज
पोखरामा कक्षा १२ को परिक्षाको प्रश्नपत्र आउट गर्ने कार्यमा संलग्न रहेको आरोपमा २ जना पक्राउ
आठौं पोखरा स्पोर्ट्स अवार्ड : ४ विधाको मनोनयन सार्वजनिक
म्याग्दीमा उच्च गतिको विद्युत् प्रवाहले ६० घरमा क्षति, ५ जना घाइते
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग