पोखरा। पोखराको लेकसाइडबाट लागु औषधसहित चार जना पक्राउ परेका छन् ।
जिल्ला प्रहरी कार्यालय कास्की र लागु औषध नियन्त्रण ब्युरो शाखा कार्यालयबाट खटिएको प्रहरीको टोलीले लागु औषधसहित उनिहरुलाई पक्राउ गरेको हो।
प्रहरीका अनुसार गत सोमबार पोखरा महानगरपालिका ६ लेकसाइडमा लागु औषधको अवैध कारोवार भइरहेको भन्ने सूचनाका आधारमा खटिएको प्रहरीको टोलीले दिउँसो अन्दाजी २ बजेको समयमा पोखरा ३० शिशुवा निवासी प्रकाश परियारलाई चेकजाँच गर्दा उनको ग १२ प ३१४६ नंवरको स्कुटरको डिक्कीमा लुकाई राखेको अवस्थामा ६ एम्पुल लागु औषध फेला पारेको थियो।
परियारलाई नियन्त्रणमा लिएर अनुसन्धान गर्दै जाँदा नवलपरासी प्रतापपुर गाउँपालिका ६ पिपरपाति बस्ने वर्ष ४१ को राजकुमार तेली, दाङ घर भइ हाल पोखरा ६ डिकोपाटन बस्ने वर्ष २० की हरिकला घर्ती र सोही स्थान बस्ने वर्ष १८ की दिया बुढा समेतको लागु औषधको कारोवारमा संग्लग्नता देखिएपछि प्रहरीले थप तीन जनालाई पक्राउ गरेको हो।
प्रहरीले उनीहरुको डेराकोठाबाट ८३१ एम्पुल लागु औषध, नाईट्रोभ्याट २९८ चक्की र नगद ३२ हजार ५ सय लगायत विभिन्न कम्पनीका मोवाइल १० थान समेत वरामद गरेको छ।
हाल प्रहरी नियन्त्रणमा रहेका उनीहरूमाथि जिल्ला अदालत कास्कीबाट लागु औषध मुद्दामा १० दिन म्याद थप गरी आवश्यक अनुसन्धान प्रकृया अगाडि बढाइएको जिल्ला प्रहरी कार्यालय कास्कीले जनाएको छ।
सम्बन्धित खबर
बुबाको हत्या आरोपमा छोरालाई कारागार
इनिसाको पोस्टमार्टम रिपोर्ट: बलपूर्वक यौनसम्पर्कले मृत्यु, यस्तो छ प्रेमी भनिएका किशोरको बयान
सुत्ने कोठामा ७१ वर्षीय वृद्ध मृत फेला, एक जना पक्राउ
स्याङ्जामा अर्याल दम्पतीमाथि राति कुटपिट, पाँच युवक पक्राउ
कान चुँडाएर सुन लुट्ने गिरोह पक्राउ, मुख्य नाइके जेन-जी आन्दोलनमा हिरासतबाट भागेका तामाङ
स्याङ्जाको बैंकमा सुरक्षा गार्डमाथि चक्कु प्रहार, एक युवक पक्राउ
यो पनि पढौँ
पूर्व मेयर थापाको निधनमा पोखरा महानगरले दियो शोक बिदा
मनकामना दर्शन गरी फर्केको ईभी माइक्रो गोरखामा दुर्घटना, ७ जनाको मृत्यु
रास्वपाका नवनिर्वाचित दुई सांसदविरुद्ध सर्वोच्चमा रिट
राजस्व अनुसन्धान विभागका तत्कालीन महानिर्देशक झलकराम अधिकारीसहित तीन जनाविरुद्ध आरोपपत्र दायर