गण्डकी प्रदेशका प्रमुख डिल्ली राज भट्टले मानव अधिकारका सवालमा सबै पक्ष गम्भिर बन्नुपर्ने बताएका छन् ।
गण्डकीका मानवअधिकार कर्मीसँगको भेटमा उनले मानव अधिकारको विषय अत्यन्त गम्भिर विषय रहेको र यसको पालनका लागि सबै पक्ष उत्तिकै जिम्मेवार रहनुुपर्नेमा जोड दिएका हुन् ।
आफ्नो अधिकारको प्रयोग गर्दा अरुको अधिकार हनन गर्न नहुने उनले उल्लेख गरे । मानव अधिकार रक्षकको सहजताका लागि, भौतिक संरचना व्यवस्थापनका लागि आफूले समन्वय गर्ने वचनबद्धता प्रकट पनि गरे ।
प्रदेश प्रमुख समक्ष राष्ट्रिय मानव अधिकार आयोग, गण्डकी प्रदेश कार्यालय, पोखराका कार्यालय प्रमुख मायादेवी शर्मासहितको टोलीले भेट गरी केन्द्रीय कार्यालय र प्रदेश कार्यालयको प्रतिवेदन हस्तान्तरणका साथै मानव अधिकारको समसामयिक अवस्थाका बारेमा जानकारी तथा छलफल गरेका हुन् ।
टोलीमा मानव अधिकार अधिकृत टंक प्रसाद खनाल, खिमलाल सुवेदी, मोहन काफ्लेलगायत सहभागी थिए । उक्त अवसरमा कार्यालय प्रमुख शर्माले आयोगको केन्द्रीय कार्यालयबाट प्रकाशित २३ औं वार्षिक प्रतिवेदन तथा गण्डकी प्रदेशको वार्षिक गतिविधि पुस्तिका २०७९/०८० माननीय प्रदेश प्रमुखलाई हस्तान्तरण गरिन् ।
कार्यालय प्रमुख शर्माले राज्य तहबाट मानव अधिकारको कार्यान्वयनको अवस्थामा सुधार ल्याउनुपर्ने खाँचो औंल्याउँदै द्वन्द्वकालसँग सम्बन्धित मुद्धा सबैभन्दा बढी रहेको उल्लेख गरिन् ।
शर्माले आयोगको कार्यालयको केन्द्रदेखि सबै प्रदेशमा कहिँपनि आफ्नै जग्गा र भवन नरहेको जानकारी गराउँदै भौतिक संरचना लगायतका विषयमा सहयोगको अपेक्षा राखेकी थिइन् ।
सम्बन्धित खबर
बुढीगण्डकी बाढीमा ५ जना बेपत्ता, ९ विदेशीसहित ८२ जनाको उद्धार
चाडपर्व लक्षित सुरक्षित यात्रा अभियान : स्याङ्जामा ट्राफिक प्रहरीको ‘स्मरण कार्यक्रम’ सुरु
चाडपर्वमा सुरक्षा कडा पार्दै स्याङ्जा प्रहरी, ४२५ प्रहरी परिचालन हुने
पोखरा बस दुर्घटनाको छानबिन गर्न महानगरले बनायो समिति
पोखरामा स्कुल बस दुर्घटना, ४ विद्यार्थीसहित ५ जनाको मृत्यु
स्याङ्जा प्रशासनमा इजलास कक्षबाट मुद्दाको सुनुवाइ सुरु
यो पनि पढौँ
बिपुल क्षेत्रीको लाइभ कन्सर्ट कार्तिक १३ गते पोखरामा हुँदै
कास्कीबाट काँग्रेस महाधिवेशनमा पदाधिकारीसहित १० जनाको उम्मेदवारी
सशस्त्र प्रहरीका एआईजी वंशीराज दाहाल बर्खास्त
पोखरामा स्कुल बस दुर्घटना, ४ विद्यार्थीसहित ५ जनाको मृत्यु