स्याङ्जाको पुतलीबजार नगरपालिका -३ कुमालगाउँस्थित स्याङ्जा अस्पतालमा बाल विशेषज्ञसहित सेवा सुरु भएको छ । जिल्ला अस्पताल स्याङ्जामा बालरोग विशेषज्ञ डा. बिनोद गैरे आएपछि सो सेवा सुरु भएको हो ।
स्याङ्जामा बालविशेषज्ञ नहुँदा यहाँबाट बालबालिका बिरामी भएर पोखरा, पाल्पा लगायतका ठाउँमा उपचारका लागि जाने बाध्यता हटेको स्याङ्जा अस्पतालकी मेडिकल सुपरिटेन्डेन्ट डा. रुक्मिना अधिकारीले जानकारी दिइन् । उनले बाल विशेषज्ञ सहितको सेवा सुरु भएपछि अस्पतालमा बढ्दै गएका बिरामी बालबालिकाको उपचारमा सहज भएको बताइन् ।
बालरोग विशेषज्ञ डा. गैरेले सो सेवा सुरु भएसङ्गै स्याङ्जा अस्पतालमा २८ दिनसम्मको बच्चालाई एनआइसीयु, १४ वर्षसम्मका बालबालिकालाई पीआइसीयु तथा वार्ड, ओपिडी सेवा पाउने बताए । उनले सेवा बिहान ७ बजेबाट नै दिन लागेको बताए ।
बालविशेषज्ञ सहितको सेवा दिन थालेपछी बाल उपचारका लागि विभिन्न ठाँउबाट नागरिकहरु आउने अपेक्षा राखेको अस्पतालले जनाएको छ ।
अहिले अस्पतालले स्त्रीरोग विशेषज्ञ सेवा, ल्याब, दन्तरोग विशेषज्ञ सेवा, माइनर अपरेसनसहितको सेवा दिँदै आइरहेको छ ।
यसैगरी, अस्पतालमा सोडियम पोटासियम टेस्ट, मिर्गौला उपचार सेवा, कलेजोको ब्याक्टेरिया कल्चर सेवा, मुटुको धड्कन जाँच, डिजिटल एक्स-रे, इसिजी लगायतका सेवा चौबीसै घन्टा पाइने गरिन्छ ।
सम्बन्धित खबर
कोदो फल्ने बारीमा सयपत्री
स्याङ्जामा राति १० बजेपछि देउसी–भैलो खेल्न रोक
सम्झौता भएको ६ वर्ष बित्दा पनि बनेनन् स्याङ्जाका ३ आयुर्वेद औषधालयका भवन
स्याङ्जा प्रशासनमा अब सेवाग्राहीलाई स्वास्थ्य सेवा पनि
कृषकहरुलाई ५० प्रतिशत अनुदानमा आलुको बीउ
होराइजन वालिङले जित्यो कालीगण्डकी गोल्डकपको उपाधि
यो पनि पढौँ
नेपाल जेसीजको राष्ट्रिय उपाध्यक्षमा पोखराका सुमन पहारीको उम्मेदवारी
स्याङ्जा नागरिकता किर्ते प्रकरण : ताकेतापछि मात्रै ३ कर्मचारी पक्राउ
गण्डकी प्रदेश खेलकुद परिषद्का सदस्य सचिव श्रीधर शर्मा बर्खास्त, उपसचिव परियारलाई जिम्मेवारी
दानबहादुर कार्कीलाई सरकारले आइजीपीबाट हटायो, कानुनी जटिलताबाट बच्न नयाँ जिम्मेवारी सुरक्षा सल्लाहकार !