स्याङ्जाको वालिङ् नगरपालिका -६ मिर्दीमा साहित्यकार अञ्जना पौडेलको उपन्यास `चरिमाई´ माथि विमर्श गरिएको छ । वैकल्पिक बाटो पृथक पाइला सिर्जनात्मक अभियान स्याङ्जाको आयोजनामा शुक्रबार उक्त उपन्यासको विमर्श गरिएको हो ।
साहित्यकार शम्भु अर्याल र अनन्त अर्यालले परिचर्चा कार्यक्रममा `चरिमाई´ उपन्यासको समीक्षात्मक टिप्पणी राखेका थिए । लेखक पौडेलले उपन्यासमा महिला बेचबिखन र महिला हिंसाका सन्दर्भलाई गहिरिएर चर्चा गरेको समीक्षकहरुले बताए ।
लेखक पौडेलले `चरिमाई´ उपन्यासमा नेपाली समाजका कथालाई जोड्ने प्रयास गरेको परिचर्चा कार्यक्रममा जानकारी दिइन् । उनले `हाम्रो समाजमा अझै ब्याप्त आम विषयवस्तु छन्, नुवाकोट र रसुवा बसाइँका क्रममा त्यहाँ देखेको कुरालाई नै उपन्यासको कथा बनाएकी हुँ´, भनिन् ।
यस्तै, दोस्रो चरणमा राखिएको रचना वाचन कार्यक्रममा साहित्यकार धुर्वप्रसाद शर्मा पङ्गेनी, लेखनाथ काफ्ले, शिला शाही, मञ्जुश्री अधिकारी, बोधराज न्यौपाने, सिजन अर्याल, स्मारिका अर्याल, गोपालप्रसाद न्यौपाने, विष्णु पङ्गेनी पाण्डे, नम्रता केसी, दर्शन पाठक, मिलन समीर र वसन्त खनालले कविता वाचन गरेका थिए ।
कार्यक्रममा कवि मिलन समिरले सहजीकरण गरेका थिए । अञ्जना पौडेलले लेखेको उपन्यास `चरिमाई´ इन्डिगो इन्कबाट प्रकाशित भएको छ भने पुस्तकको मूल्य ४ सय ४९ रुपियाँ रहेको छ ।
सम्बन्धित खबर
शिक्षकको जागिर छाडेर २२० रोपनीमा कागती खेती
अवैध रुपमा नदीजन्य पदार्थ ओसारपसार गरिरहेको ट्याक्टर कारबाहीमा, ३० हजार रुपैयाँ जरिवाना
स्याङ्जामा पुँजीगत बजेट खर्च ६८ प्रतिशतमा सीमित
पुतलीबजारका केही वडामा धानमा खपटे किराको प्रकोप
गोपालमान श्रेष्ठको निधनमा पुतलीबजारमा बुधबार सार्वजनिक बिदा
स्याङ्जाको सुन्तलाबाट एक वर्षमै सवा अर्बभन्दा बढी आम्दानी
यो पनि पढौँ
प्रतिभाका सबिन देशभरमै तेस्रो, गण्डकीमा पहिलो
पाकिस्तानमा हिमपहिरोमा हराइरहेका निम्सदाइ सहित अन्य पाँच नेपाली जीवित भेटिने आशा कमजोर, युक्तको शव निकालियो
सपनामा पनि मलाई संघीयता विरोधी नसोच्नुस्, हिन्दूराष्ट्र र राजतन्त्रको पक्षमा म छैन: बालेन
रविले बोलाएको सर्वदलीय बैठकमा प्रधानमन्त्री र गृहमन्त्री नै गएनन्