पक्राउ

पोखरामा पत्रकारमाथि आक्रमण गर्ने पाँच जना यातायात मजदुर पक्राउ

अभद्र व्यवहारसम्बन्धी मुद्दा अघि बढाइने

गण्डक न्यूज आइतबार, १३ श्रावण २०८१

गण्डक न्यूज

१३ श्रावण २०८१

पोखरामा पत्रकारमाथि आक्रमण गर्ने पाँच जना पक्राउ परेका छन् । तत्काल ४ जना पक्राउ परेकामा थप १ जना पक्राउ परेका हुन् ।

यातायात व्यवसायीको आन्दोलनको समाचार संकलनका क्रममा पोखराको पृथ्वीचोकमा पत्रकारद्वय सुरज थापा मगर र बिनाकुमारी थापामाथि आज हातपात भएको थियो ।

पक्राउ पर्नेमा पोखरा-९ शान्तिवन बस्ने ट्याक्सी चालक ४१ वर्षीय सूर्यबहादुर नेपाली, गोरखा घर भई हाल पोखरा-९ पृथ्वीचोक बस्ने ३३ बर्षीय बुद्धिबहादुर बयलकोटी, पोखरा -१६ लामाचौरका बसका सहचालक १६ वर्षीय प्रशान गुरुङ, लम्जुङ सुन्दरबजार-१ कुन्छा घर भई हाल पोखरा-५ जिरोकिमी बस्ने ट्याक्सी चालक-२८ बर्षीय सन्तोष बस्नेत र स्याङ्जा आँधीखोला-२ पोखराचौर घर भई हाल पोखरा-१७ घारीपाटन बस्ने ३५ बर्षीय टंकबहादुर क्षत्री छन् ।

जिल्ला प्रहरी कार्यालय कास्कीका प्रवक्ता डीएसपी वसन्तकुमार शर्माका अनुसार उनीहरुविरुद्ध अभद्र व्यवहारसम्बन्धी मुद्दा अघि बढाइनेछ ।

पत्रकारमाथि भएको आक्रमणको नेपाल पत्रकार महासंघलगायत पत्रकार सम्बद्ध विभिन्न संघसंस्थाले कडा आपत्ति जनाएका थिए । उनीहरूले आक्रमणकारीलाई कार्वाही गर्न दबाब दिएका थिए ।

सम्बन्धित समाचारः

पोखरामा दुई पत्रकारमाथि कुटपीट, पत्रकार सम्बद्ध संघसंस्थाद्वारा भर्त्सना

गण्डकी प्रदेशको अग्रणी अनलाइन गण्डक न्यूज विभिन्न प्लाटफर्ममा उपलब्ध छन्। सामाजिक सञ्जालहरूमा हाम्रो च्यानल सब्स्क्राइब गर्न यहाँ क्लिक गर्नुहोस्। जहाँ तपाईँ फेसबुक, ट्विटर, इन्स्टाग्राम, यूट्युब लगायतमा पनि हाम्रा सामाग्री हेर्न सक्नुहुन्छ। नयाँ खबर थाहा पाउनका लागि गण्डक न्यूज र हाम्रो अर्को आधिकारिक वेबसाइट गण्डकी न्यूज भिजिट गर्दै गर्नुहोला। साथै, माथि समाचार पढेपछि तपाईँको प्रतिक्रिया के छ? व्यक्त गर्नुहोला।