स्याङ्जाको गल्याङ नगरपालिकामा प्रथम गल्याङ प्रीमियर लिग(जिपिएल) क्रिकेट प्रतियोगिता संचालन हुने भएको छ । सोमबार गल्याङ बजारमा पत्रकार सम्मेलन गरी गल्याङ क्रिकेट संघले आगामी भदौ १ गतेबाट प्रीमियर लिग संचालन हुने जानकारी गराएको हो ।
उक्त क्रिकेट प्रतियोगिता टी – २० फर्म्याटमा खेलाइने संघका उपाध्यक्ष एवं खेल संयोजक खगेन्द्र भण्डारीले जानकारी दिए । उनले क्रिकेट खेलप्रतिको रुचिलाई ध्यानमा राखी गल्याङ नगरपालिकाभित्र खेलाडी उत्पादन गर्ने लक्ष्यसहित लिग आयोजना गरिएको बताए ।
प्रतियोगिताका लागि गल्याङ नगरपालिका अन्तर्गतका आठ समूहले सहभागिता जनाउने बताउँदै खेल संयोजक भण्डारीले उक्त प्रतियोगिताले जिल्लाको क्रिकेट इतिहास रच्ने दाबी समेत गरे ।
गल्याङ नगरपालिकाभित्रका क्रिकेट खेलमा रुचि राख्ने खेलाडीका लागि अक्सन खुला गरिएको बताउँदै संघका सचिव अमृत खनालले खेल मैदान तीन ठाउँमा छनोट गरिएको जानकारी दिए । उनले बर्खाको समयमा खेल प्रभावित नहोस् भन्दै प्रतियोगिताका लागि मालुङ्गा खेल मैदान, दिमिक क्रिकेट मैदान र असेर्दीमा खेल मैदान छनोट गरी खेल खेलाइने बताए ।
उक्त गल्याङ जिपिएलका विजेताले नगद एक लाख र उपविजेताले नगद ५० हजार रुपियाँ पुरस्कार प्राप्त गर्ने संघका अध्यक्ष ठगेन्द्र थापाले बताए ।
सम्बन्धित खबर
अकबरे खुर्सानीमार्फत बाँझो जमिनलाई आम्दानीसँग जोड्दै भीरकोट
रास्वपा गण्डकीको सभापतिमा त्रिपाठी निर्वाचित
सडकबाट ट्रिपर खस्दा एक जनाको मृत्यु, चालक फरार
श्याम स्मृति फुटबल प्रतियोगिता २६ वर्षपछि पुनः सञ्चालनमा
सरकारी विज्ञापन नीतिविरुद्ध स्याङ्जाका पत्रकारको दबाब, प्रधानमन्त्रीलाई हस्ताक्षरसहित मागपत्र
पूर्वविद्यार्थीको पहलमा भीरकोटका दुई विद्यालयमा कम्प्युटर सहयोग
यो पनि पढौँ
शान्ति निकेतनमा कक्षा ११ का पहिलो ब्याचका विद्यार्थीलाई स्वागत र अभिमुखीकरण
प्रतिभाले नयाँ विद्यार्थीलाई सपथ खुवाउँदै गर्यो स्वागत
बेगनास तालमा पौडी खेल्ने क्रममा डुबेर युवकको मृत्यु
सचिवको एसएमएसमाथि प्रधानमन्त्री पदमा रहेकाबाट गरिएको ‘मजाक’लाई मन्त्री, सांसदको साथ