तीजमा पोखरा बहुमुखीमा छात्रा भलिबल, भदौ ७ देखि १० गतेसम्म

रचित पौडेल बुधबार, २३ श्रावण २०८१

२३ श्रावण २०८१

पोखराको पहिलो सामुदायिक क्याम्पस पोखरा बहुमुखी क्याम्पसले महिलाहरुको महान् पर्व हरितालिका तीजको अवसरमा कास्की जिल्लाव्यापी अन्तरमावि (९–१२) छात्रा भलिबल प्रतियोगिता गर्ने भएको छ ।

क्याम्पसको प्रांगणमा आगामी भदौ ७ देखि १० सम्म प्रतियोगिता सञ्चालन हुने प्रतियोगिता संयोजक विनोदराज आचार्यले जानकारी दिए ।

प्रतियोगितामा सहभागी हुन चाहने विद्यालयले भदौ ५ गते साँझ ४ बजे सम्म टीम दर्ता गराउनुपर्नेछ भने आयोजकले भदौ ६ गते खेलतालिका प्रकाशन गर्ने जनाएको छ ।

आयोजकका अनुसार विजेताले ३० हजार, उपविजेताले २० हजार साथमा शिल्ड, मेडल र प्रमाणपत्र प्राप्त गर्ने छन् ।

उत्कृष्ट खेलाडी, स्पाइकर, डिफेन्डर, सेटर, सर्भर र टीम प्रशिक्षकलाई प्रमाणपत्र तथा मेडल प्रदान गरिने आयोजकले जनाएको छ ।

गण्डकी प्रदेशको अग्रणी अनलाइन गण्डक न्यूज विभिन्न प्लाटफर्ममा उपलब्ध छन्। सामाजिक सञ्जालहरूमा हाम्रो च्यानल सब्स्क्राइब गर्न यहाँ क्लिक गर्नुहोस्। जहाँ तपाईँ फेसबुक, ट्विटर, इन्स्टाग्राम, यूट्युब लगायतमा पनि हाम्रा सामाग्री हेर्न सक्नुहुन्छ। नयाँ खबर थाहा पाउनका लागि गण्डक न्यूज र हाम्रो अर्को आधिकारिक वेबसाइट गण्डकी न्यूज भिजिट गर्दै गर्नुहोला। साथै, माथि समाचार पढेपछि तपाईँको प्रतिक्रिया के छ? व्यक्त गर्नुहोला।