आईएमई लाइफ इन्स्योरेन्सको सातौं वार्षिकोत्सवको अवसरमा वालिङ् शाखाले जन माविलाई सहयोग गरेको छ ।
सातौं वर्ष पूरा भई आठौं वर्षमा प्रवेश गरेको अवसरमा बुधबार आईएमई लाइफ इन्स्योरेन्स वालिङ् शाखाले अर्जुनचौपारी गाउँपालिका -४ रापाकोट स्थित जन माध्यमिक विद्यालयका विद्यार्थीलाई अध्ययन तथा शैक्षिक सामाग्री सहयोग गरेको हो ।
इन्स्योरेन्सको वालिङ् शाखाले आफ्नो संस्थागत, सामाजिक उत्तरदायित्व अन्तर्गत विद्यालयमा कक्षा १ देखि ५ सम्म अध्ययनरत १२० जना विद्यार्थीलाई अध्ययन तथा शैक्षिक सामाग्रीहरु सहयोग गरेको आईएमई लाइफ इन्स्योरेन्स गण्डकी प्रदेश प्रमुख कर्मराज पौडेलले बताए ।
कार्यक्रममा सोही वडाका वडा अध्यक्ष भुवन सिंह गुरुङले इन्स्योरेन्सले शैक्षिक क्षेत्रमा पुर्याएको सहयोग प्रशंसनीय रहेको बताउँदै विद्यार्थीहरुलाई अध्ययनप्रती थप हौसला मिलेको बताएका थिए ।
सोही कार्यक्रममा विद्यालयकी शिक्षिका एवं आईएमई लाइफ इन्स्योरेन्सकी एजेन्सी म्यानेजर तिल कुमारी रोका केसीले शुभकामना मन्तव्य व्यक्त गरेकी थिइन् । विद्यालयका प्रधानाध्यापक आत्मराम चपाईँको अध्यक्षतामा सम्पन्न भएको उक्त कार्यक्रमको संचालन इन्स्योरेन्सको वालिङ् शाखाकी प्रबन्धक धना अर्यालले गरेकी थिइन् ।
सम्बन्धित खबर
शिक्षकको जागिर छाडेर २२० रोपनीमा कागती खेती
अवैध रुपमा नदीजन्य पदार्थ ओसारपसार गरिरहेको ट्याक्टर कारबाहीमा, ३० हजार रुपैयाँ जरिवाना
स्याङ्जामा पुँजीगत बजेट खर्च ६८ प्रतिशतमा सीमित
पुतलीबजारका केही वडामा धानमा खपटे किराको प्रकोप
गोपालमान श्रेष्ठको निधनमा पुतलीबजारमा बुधबार सार्वजनिक बिदा
स्याङ्जाको सुन्तलाबाट एक वर्षमै सवा अर्बभन्दा बढी आम्दानी
यो पनि पढौँ
प्रतिभाका सबिन देशभरमै तेस्रो, गण्डकीमा पहिलो
पाकिस्तानमा हिमपहिरोमा हराइरहेका निम्सदाइ सहित अन्य पाँच नेपाली जीवित भेटिने आशा कमजोर, युक्तको शव निकालियो
सपनामा पनि मलाई संघीयता विरोधी नसोच्नुस्, हिन्दूराष्ट्र र राजतन्त्रको पक्षमा म छैन: बालेन
रविले बोलाएको सर्वदलीय बैठकमा प्रधानमन्त्री र गृहमन्त्री नै गएनन्