पाेखरा महानगरपालिकाका प्रमुख प्रशासकीय अधिकृत श्यामकृष्ण थापाकाे सरूवा भएकाे छ ।

दलबलसहित जापानकाे काेमागाने भ्रमणमा रहेका थापाकाे गृहमन्त्रालयमा सरूवा भएकाे छ ।

मन्त्रिपरिषद्काे गत २७ गतेकाे बैठकले थापासहितका सहसचिवकाे सरूवा गरेकाे हाे । थापा २०८० साउनमा सरुवा भइ पोखरा आएका थिए । त्यसअघि थापा कर्णाली प्रदेशको आर्थिक मामिला तथा योजना मन्त्रालयका सचिव थिए ।

थापाकाे स्थानमा पोखरा महानगरपालिकाको नयाँ प्रमुख प्रशासकीय अधिकृतका रुपमा राष्ट्रिय दलित आयोगका सचिव शिवराज चौलागाईं आउँदैछन्। चौलागाईं लामो समय हेटौंडा उपमहानगरपालिकाको प्रमुख प्रशासकीय अधिकृत रहेर काम गरेका थिए ।

काठमाडौं महानगरपालिकाका प्रमुख प्रशासकीय अधिकृत प्रदिप परियारको सञ्चार तथा सूचना प्रविधि मन्त्रालयमा सरुवा भएको छ । बालेनसँग ट्युन मिलाएका उनी ८ महिनामै सरूवा भएका हुन् ।

काठमाण्डौं महानगरको नयाँ प्रशासकीयका रूपमा रुपमा  उद्योग, वाणिज्य तथा आपूर्ति मन्त्रालयका सहसचिव सरोजप्रसाद गुरागाईलाई सरुवा गरिएको छ  ।