पोखरा । विराटनगरमा हुने वाईवाई यू–९ राष्ट्रिय पुरुष टी–२० क्रिकेटमा सहभागी हुन गण्डकी प्रदेशको टोली शुक्रबार त्यसतर्फ प्रस्थान गरेको छ ।

टोलीलाई प्रादेशिक क्रिकेट संघ गण्डकीले पोखरामा शुक्रबार खेलाडी तथा अफिसियललाई जीतको शुभकामनासहित बिदाइ गरिएको अध्यक्ष सञ्जयकान्त सिग्देलले बताए ।

उनीहरुलाई प्रदेश खेलकुद परिषद गण्डकी सदस्य केशव पाठक, प्रादेशिक क्रिकेट संघ गण्डकी अध्यक्ष सिग्देल, जिल्ला खेलकुद समिति सदस्यद्वय राजन बडगामी र विग्नेश थापा, पोखरा एभेन्जर्सका पुष्पराज त्रिपाठी, गण्डकी क्रिकेटका कोषाध्यक्ष दिवाकर थापालगायतले बिदाइ गरेका हुन् ।

नेपाल क्रिकेट संघ (क्यान) को आयोजनामा शनिबारदेखि उक्त प्रतियोगिता सुरु हुँदैछ ।

गण्डकीको टिममा राष्ट्रिय यू–१९ का राष्ट्रिय खेलाडी अर्जुन कुमालको कप्तानी रहेको छ । जसमा करन पगेनी, सोहेल कुँवर, बंश क्षत्री, सुदीप अर्याल, नरेश शाह, अस्विन थापा, किरण भट्टराई, अपरिचित पौडेल, सुजन गौतम, विज्ञान पाण्डे, सुप्रिम सुनार, सिव्रिन श्रेष्ठ र रोहित चन्द छन् । टिम प्रशिक्षकमा रिजन प्रजु र टिम म्यानेजर अभिषेक ढकाल छन् ।

गण्डकी प्रदेशले आफ्नो पहिलो खेल ११ कात्तिकमा मधेश प्रदेशसँग खेल्दैछ ।

राउण्ड रोविन आधारमा सञ्चालन हुने प्रतियोगिताको फाइनल २१ कात्तिकमा हुनेछ ।