दाङबाट भ्रमणमा आएको बस पोखराको शान्तिस्तूपा नजिकै दुर्घटना

गण्डक न्यूज बिहिबार, २२ कार्तिक २०८१

२२ कार्तिक २०८१

पोखराको शान्तिस्तूपा नजिकै आज दिउँसो अवलोकन भ्रमणमा आएको बस दुर्घटना हुँदा दुई जना घाइते भएका छन् ।

घाइते हुनेमा दाङ तुल्सीपुर उपमहानगरपालिका वडा नं. ४ की १७ बर्षीया सन्ध्या रसाइली र १९ वर्षीया मनिषा रसाइली रहेका छन् ।

उनीहरुको विरौटास्थित नमस्ते अस्पतालमा उपचार गरिएको छ ।

दाङको नवयुग डान्स क्लबका २४ जनाको भ्रमण टोली लिएर पोखरा आएको रा१ख २१०६ नं.को बस विश्व शान्ति स्तूपा नजिकै दुर्घटनामा परेको हो ।

जिल्ला प्रहरी कार्यालय कास्कीका अनुसार पुम्दीकोटको भ्रमण गरेर फर्किँदै गर्दा उक्त दुर्घटना भएको हो ।

बस तिदुको रुखमा अड्किएको थियो । बस रुखमा अड्किएकाले ठूलो क्षति हुनबाट जोगिएको प्रहरीको भनाइ छ ।

गण्डक न्यूज डेस्क