स्याङ्जा युथ क्लबद्वारा आयोजित दोस्रो पुतलीबजार कप सेभेन ए साइड फुटबल प्रतियोगिताको उपाधि जित्ने खेलाडीहरुलाई सम्मान गरिएको छ ।

स्याङ्जाको पुतलीबजार नगरपालिका वडा नम्बर -१३ को प्रतिनिधित्व गर्दै दोस्रो पुतलीबजार कप अन्तर वडा स्तरीय प्रतियोगितामा उपाधि जितेका स्मृति युथ क्लबका खेलाडीहरुलाई वडा कार्यालयले खादा ओढाएर सम्मान प्रदान गरेको हो ।

खेलाडीहरुको प्रोत्साहनका लागि वडा कार्यालयले सम्मान गरेको वडा सदस्य सुर्य बहादुर रोकाहाले बताए ।

क्लबका खेलाडीहरु, प्रशिक्षक र क्लबका अध्यक्षलाई वडा अध्यक्ष जुद्ध बहादुर थापा (मगर)ले सम्मान गरेका हुन् । खेलाडीहरुलाई सम्मान गर्दै वडा अध्यक्ष थापाले खेलको माध्यमबाट पनि वडालाई चिनाउन सफल हुँदा वडाको गौरव बढेको बताए ।

स्मृति युथ क्लब खेलमा मात्र नभई सामाजिक कार्यमा समेत अग्रसर रहेको क्लबका अध्यक्ष भीम रानाले बताए ।