खुमा अर्याल फाउन्डेसनले विशेषज्ञ सहित नि : शुल्क स्वास्थ्य शिविर तथा रक्तदान कार्यक्रम संचालन गर्ने भएको छ ।
फाउन्डेसनको छैठौं स्थापना दिवसको अवसरमा भीरकोट नगरपालिका -७ बलमाटामा अवस्थित कालिका बहुमुखी क्याम्पसमा विशेषज्ञ सहित नि : शुल्क स्वास्थ्य शिविर तथा रक्तदान कार्यक्रम संचालन गर्ने फाउन्डेसनका सचिव ध्रुव शर्माले जानकारी दिए ।
नेपाल रेडक्रस सोसाइटी स्याङ्जा र गण्डकी मेडिकल कलेज पोखराको प्राविधिक सहयोगमा यहि मङ्सिर ५ गते खुला रक्तदान तथा नि : शुल्क स्वास्थ्य शिविर गरिने भएको हो ।
स्थापना दिवसको अवसरमा संचालन हुने शिविरमा जनरल ओपिडी सेवा, मानसिक स्वास्थ्य सेवा, नाक कान घाँटी रोग सेवा, स्त्रीरोग सेवा, हाडजोर्नी तथा नशा रोग सेवा, दन्त रोग परिक्षण, पेट, छाती तथा मुटु रोग सेवा, प्रयोगशाला परिक्षण, इसिजी, भिडियो एक्सरे सेवा तथा फार्मेसी सेवाहरु प्रदान गरिने फाउन्डेसनले जनाएको छ ।
शिविरमा उपचार गराउन आउने बिरामीको थप उपचार गर्नु परेमा गण्डकी मेडिकल कलेज तथा युनिभर्सल मेडिकल कलेजमा विशेष छुटसहित उपचार व्यवस्था गरिने फाउन्डेसनका अध्यक्ष लेखनाथ शर्माले जानकारी दिए ।
नेपालका बौद्धिक, सफल व्यवसायी एवं समाजसेवी खुमा अर्यालको नाममा स्थापना भएको यस संस्थाले स्थापना कालदेखि नै शिक्षा, स्वास्थ्य, रोजगार तथा खेलकुदको क्षेत्रमा विभिन्न कामहरू गर्दै आइरहेको छ ।
शिविरमा आउने बिरामीहरुलाई मध्यनजर गर्दै अर्जुनचौपारी, करेन्डाँडा र बयरघारीबाट नि : शुल्क यातायातको व्यवस्था समेत गरिएको फाउन्डेसनका सचिव ध्रुव शर्माले बताए ।
सम्बन्धित खबर
शिक्षकको जागिर छाडेर २२० रोपनीमा कागती खेती
अवैध रुपमा नदीजन्य पदार्थ ओसारपसार गरिरहेको ट्याक्टर कारबाहीमा, ३० हजार रुपैयाँ जरिवाना
स्याङ्जामा पुँजीगत बजेट खर्च ६८ प्रतिशतमा सीमित
पुतलीबजारका केही वडामा धानमा खपटे किराको प्रकोप
गोपालमान श्रेष्ठको निधनमा पुतलीबजारमा बुधबार सार्वजनिक बिदा
स्याङ्जाको सुन्तलाबाट एक वर्षमै सवा अर्बभन्दा बढी आम्दानी
यो पनि पढौँ
प्रतिभाका सबिन देशभरमै तेस्रो, गण्डकीमा पहिलो
पाकिस्तानमा हिमपहिरोमा हराइरहेका निम्सदाइ सहित अन्य पाँच नेपाली जीवित भेटिने आशा कमजोर, युक्तको शव निकालियो
सपनामा पनि मलाई संघीयता विरोधी नसोच्नुस्, हिन्दूराष्ट्र र राजतन्त्रको पक्षमा म छैन: बालेन
रविले बोलाएको सर्वदलीय बैठकमा प्रधानमन्त्री र गृहमन्त्री नै गएनन्