अनौपचारिक क्षेत्रका श्रमिकहरुलाई सामाजिक सुरक्षा कोषमा समावेश गर्ने पहिलो स्थानीय तह फेदीखोला रहेको हुँदा प्रधानमन्त्रीद्वारा गाउँपालिका सम्मानित भएको छ ।

सातौं सामाजिक सुरक्षा स्थापना दिवसको अवसरमा आयोजित एक कार्यक्रममा प्रधानमन्त्री केपी शर्मा ओलीले गाउँपालिका अध्यक्ष घनश्याम सुवेदीलाई सम्मान गरेका हुन् ।

सिङ्गो राज्यले नै प्रथम स्वरुप सम्मान गर्दा आगामी दिनहरुमा गाउँपालिकालाई अझै अन्य क्रियाकलापद्वारा अगाडि बढाउने हौसला, उर्जा मिलेको पालिका अध्यक्ष सुवेदीले बताए ।

कार्यक्रममा भीमफेदी गाउँपालिकाका अध्यक्ष हृदम लामा, बाँसगढी नगरपालिकाका प्रमुख खड्गबहादुर खड्का, बेलबारी नगरपालिकाका प्रमुख दिल प्रसाद राई र सुन्दरहरैचा नगरपालिकाका प्रमुख केदारप्रसाद गुरागाईलाई समेत आ-आफ्नो पालिकामा अनौपचारिक क्षेत्रका श्रमिकहरुलाई सुरक्षा कोषमा समावेश गर्न थालनी गरेकोमा सम्मान गरिएको थियो ।