प्याब्सन कास्कीले आयोजना गरेको स्पोर्टस् मिटमा लेकसाइड स्थित न्याश्नल इन्भेन्टिभ स्कूलले छात्रा भलिबलतर्फ प्रथम स्थान हासिल गरेको छ ।

सेमीफाइनलमा टप्सलाई हराएको न्याश्नल इन्भेन्टिभ स्कूलले फाइनलमा न्यू मिलिनियमलाई पराजित गरेको थियो ।

मंसिर १९ गते बाट सुरु भएको १८ औं प्याब्सन स्पोर्टस् मिट–२०८१ आज गण्डकी प्रदेश प्रमुख डिल्लीराज भट्टको प्रमुख आतिथ्यतामा सम्पन्न भएको छ ।

स्पोर्टस् मिटमा कक्षा १ देखि १० सम्मका विद्यार्थीबीच छात्रछात्रा सिनियर फुटबल, छात्र जुनियर फुटबल, छात्रछात्रा भलिबल, छात्रछात्रा ह्याण्डबल, छात्रछात्रा टेबलटेनिस र एथलेटिक्सका खेल भएको थियो । ५५ सय जना विद्यार्थीले विभिन्न इभेन्टमा भाग लिएका थिए ।

कक्षा ११ र १२ का विद्यार्थीबीच छात्रछात्रा भलिबल, छात्रछात्रा बास्केटबल, छात्रछात्रा एथलेटिक्सका खेल भएको थियो । संस्थामा ९९ विद्यालय सदस्य छन् । प्याब्सन कास्कीअन्तर्गत ७५ हजार विद्यार्थी अध्ययनरत् छन् ।